Robert Sobukwe

in Wikipedia, die vrye ensiklopedie
Jump to navigation Jump to search
Robert Mangaliso Sobukwe
Robert Sobukwe
Robert Sobukwe

President van die Pan Africanist Congress
Ampstermyn
6 April 1959 – 1963
Opgevolg deur Potlako Leballo

Persoonlike besonderhede
Gebore 5 Desember 1924
Graaff-Reinet, Kaapprovinsie, Unie van Suid-Afrika
Sterf 27 Februarie 1978 (op 53)
Kimberley, Kaapprovinsie, Suid-Afrika
Politieke party Pan Africanist Congress
Alma mater Universiteit van Fort Hare

Robert Mangaliso Sobukwe (5 Desember 192427 Februarie 1978) was 'n Suid-Afrikaanse politieke dissident, wie die Pan Africanist Congress of Azania in opposisie teen apartheid gestig het. In 2004 is Sobukwe as nommer 42 in die lys van SABC3 se Grootste Suid-Afrikaners vernoem.

Lewensloop[wysig | wysig bron]

Huis op Robbeneiland waar Sobukwe aangehou is.

Sobukwe is in Graaff-Reinet, in die Kaapse Provinsie gebore. Hy het van 'n arme familie gekom en dus was hy plaaslik opgelei. Hy het by 'n Metodiste kollege in Healdtown en later Fort Hare Universiteit bygewoon waar hy in 1948 'n lid van die African National Congress Youth League (ANCYL) geword het. Hy was baie betrokke met die Afrikanistiese politiek en die ideale wat daarmee verbind is. Hy het later die ANC verlaat om sy eie bevrydingsbeweging, die PAC te stig.

Sobukwe is op Robbeneiland in eensame opsluiting aangehou en daarna onder huisarres in Kimberley geplaas.

As gevolg van longkanker, is hy in 1977 in die hospitaal opgeneem. Sy dokters het versoek dat die goewerment hom die vryheid van beweging op humanitêre gronde toelaat. Maar hierdie versoek is onbepaald geweier. Hy het op 27 Februarie 1978 gesterf, en is op 11 Maart 1978 in Graaff-Reinet begrawe.