Roesski Mir-stigting
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Roesski Mir-stigting (Russies: Русский мир, in Afrikaans "Russiese Wêreld") is ’n Russiese organisasie wat Russies in die buiteland bevorder, soortgelyk aan die Goethe Institut vir Duits, Alliance française vir Frans, Confucius-instituut vir Chinees en British Council vir Engels.
Werksaamhede[wysig | wysig bron]
Roesski Mir bevorder tans die Russiese taal en kultuur deur ’n netwerk van Russiese sentra in talle Europese en Asiatiese stede. ’n Mens kry hier toegang tot Russiese letterkunde, tydskrifte, leerprogramme, asook klank- en video-opnames. Verskeie geleenthede soos temaweke, konferensies, seminare en uitstallings word ook gehou.
In Duitsland was daar tot onlangs twee Russiese sentra: een in Neurenberg en een in Dresden.[1] In Junie 2014 het ’n derde sentrum sy deure in Hamburg oopgemaak.[2] Verskeie projekte word saam met die Bundesverband Deutscher West-Ost-Gesellschaften van stapel gestuur, onder meer die RussoMobil. Hierdie rondgaande biblioteek vervoer speletjies, boeke, tydskrifte en laserskywe in ’n pasgemaakte VW-bus wat skole dwarsoor die wêreld op aanvraag besoek en die Russiese taal en kultuur onderrig. Die RussoMobil besoek elke skooljaar 170 skole.[3]
In Nederland is die Sentrum vir Russiese Stusies by die Rijksuniversiteit Groningen op inisiatief van die Roesski Mir-stigting gestig.[4]
Stigting en organisasie[wysig | wysig bron]
Roesski Mir word op 21 Junie 2007 in opdrag van president Wladimir Poetin in die lewe geroep.[5] Dit is ’n gemeenskapsprojek van die Russiese departement van buitelandse sake en departement van onderwys en wetenskap. Roesski Mir word gefinansier deur die staatskas en skenkings. Aan die stuur is die politoloog Wjatsjeslaf Nikonof. Bekende Russe van die wetenskap en kultuur dien in die stigtingsraad, soos aartsbiskop Ilarion Alfejef en die hoof van die Hermitage, Michail Piotrofski.[6][7]
Verwysings[wysig | wysig bron]
- ↑ Russische Zentren auf der offiziellen Webpräsenz von Russki Mir
- ↑ http://www.zeit.de/2014/22/russki-mir-kulturinstitut-in-hamburg
- ↑ Webpräsenz des RussoMobil
- ↑ (nl) Rijksuniversiteit Groningen: Centre for Russian Studies Geargiveer 2 Desember 2015 op Wayback Machine
- ↑ Verordnung des Präsidenten der Russischen Föderation Über die Bildung der Stiftung "Russki Mir"
- ↑ "Organisation der Stiftung auf offiziellen Webpräsenz von Russki Mir". Geargiveer vanaf die oorspronklike op 21 September 2013. Besoek op 4 September 2015.
- ↑ "Board of Trustees auf der offiziellen Webpräsenz von Russki Mir". Geargiveer vanaf die oorspronklike op 19 Augustus 2010. Besoek op 4 September 2015.