Rush Limbaugh

in Wikipedia, die vrye ensiklopedie
Jump to navigation Jump to search
Rush Limbaugh
Rush Limbaugh by Gage Skidmore.jpg
Limbaugh in 2019
Gebore
Rush Hudson Limbaugh III

12 Januarie 1951
Cape Girardeau, Missouri, Verenigde State
Sterf17 Februarie 2021 (op 70)
NasionaliteitVSA
Beroep
  • Radio omroeper
  • politieke kommentator
Jare aktief1967– 2021
EggenootRoxy Maxine McNeely (trou 1977; geskei 1980)
Michelle Sixta (trou 1983; geskei 1990)
Marta Fitzgerald (trou 1994; geskei 2004)
Kathryn Rogers (trou 2010)
Webwerfrushlimbaugh.com

Rush Hudson Limbaugh III (/ˈlɪmbɔː/; gebore op 12 Januarie 1951, sterf op 17 Februarie 2021) was 'n Amerikaanse radio omroeper, konserwatiewe politieke kommentator en skrywer. Hy is veral bekend vir sy radioprogram, The Rush Limbaugh Show, wat van 1988 tot 2021 uitgesaai word.

Limbaugh was van 1992 tot 1996 die gasheer van 'n televisieprogram. Hy het reeds sewe boeke geskryf; sy eerste twee, The Way Things Ought to Be (1992) en See, I Told You So (1993), was topverkopers. Limbaugh is van die hoogsbetaalde persone in die radio-industrie. In 2018 het Forbes sy inkomste gelys as $84.5 miljoen.[1] In Desember 2019 het Talkers Magazine beraam dat Limbaugh se radioprogram 'n kumulatiewe weeklikse gehoor van 15.5 miljoen luisteraars gehad het en sodoende die mees geluisterde radioprogram in die Verenigde State was.[2]

Limbaugh is sedert die 1990's een van die grootse meningsvormers van die konserwatiewe beweging in die Verenigde State. Hy is ook ingelyf in die National Radio Hall of Fame en die National Association of Broadcasters Hall of Fame.[3][4] Tydens die State of the Union toespraak in 2020 het President Donald Trump aan hom die Presidensiële Vryheidsmedalje ("Presidential Medal of Freedom") toegeken.

Limbaugh het deurtastende en indringende kommentaar gelewer oor kwessies soos ras,[5] gay aangeleenthede,[6] feminisme,[7] en toestemming tot seks. Limbaugh ontken dat daar wetenskaplike konsensus oor sogenaamde klimaatsverandering bestaan, en het militere ingryping in die Midde-Ooste ondersteun.

Op 14 Mei 2012 is Limbaugh ingewy in die Hall of Famous Missourians. 'n Brons borsbeeld van Limbaugh word vertoon by die Missouri State Capitol Gebou in Jefferson City, saam met 40 ander ontvangers.

Op 4 Februarie 2020, 'n dag nadat hy aangekondig het dat hy aan gevorderde longkanker ly, was hy 'n gas van President Donald Trump tydens die State of the Union toespraak in 2020, waar die eer hom te beurt geval het om die Presidential Medal of Freedom te ontvang. Limbaugh is op 17 Februarie 2021 aan longkanker oorlede. [8] 'n Voormalige roker, het Limbaugh in 2015 die verband tussen rook en kankersterftes bevraagteken.[9][10]

Verwysings[wysig | wysig bron]

  1. Cuccinello, Hayley C. "The World's Highest-Paid Radio Hosts Of 2018". Forbes (in Engels). Besoek op November 15, 2019.
  2. Wheeler, Brian (5 Maart 2012). "Can Limbaugh survive advertiser boycott?". BBC News Magazine. Besoek op 18 Maart 2012. Currently hosts USA's highest-rated show, with approximately 15 million listeners.
  3. Gay, Kathlyn (2012). American Dissidents: An Encyclopedia of Activists, Subversives, and Prisoners of Conscience. ABC-CLIO. p. 387. ISBN 978-1-59884-764-2.
  4. Kidder, David S.; Oppenheim, Noah D. (October 14, 2008). The Intellectual Devotional Modern Culture: Revive Your Mind, Complete Your Education, and Converse Confidently with the Culturati. Rodale. p. 323. ISBN 978-1-60529-793-4.
  5. "McNabb's performance: A Rush to judgment?". ESPN.com (in Engels). 1 Oktober 2003. Besoek op 6 Februarie 2020.
  6. Cirilli, Kevin (7 Januarie 2013). "Rush ties pedophilia, gay marriage". Politico (in Engels). Besoek op 6 Februarie 2020.
  7. Suddath, Claire (4 Maart 2009). "Breaking News, Analysis, Politics, Blogs, News Photos, Video, Tech Reviews". Time (in Engels). ISSN 0040-781X. Besoek op 6 Februarie 2020. "Feminism was established so as to allow unattractive women access to the mainstream of society." - The Rush Limbaugh Show, August 12, 2005
  8. Flood, Brian (17 Februarie 2021). "Rush Limbaugh, conservative talk radio pioneer, dead at 70". Fox News. Besoek op 17 Februarie 2021.
  9. https://www.mercurynews.com/2020/02/04/rush-limbaugh-denied-smoking-risks-in-2015-smokers-arent-killing-anybody/
  10. https://omrf.org/2020/02/16/dr-prescott-rush-limbaughs-illness-puts-spotlight-on-lung-cancer/

Aanhalings[wysig | wysig bron]

Bronne[wysig | wysig bron]

Verdere leeswerk[wysig | wysig bron]

Geselekteerde bibliografie[wysig | wysig bron]

Eksterne skakels[wysig | wysig bron]