Rusland se Vryheidslegioen
Rusland se Vryheidslegioen[1] (Russies: Легион «Свобода России», geromaniseer: Legioen "Swoboda Rossiji"; Oekraïens: Легіон «Свобода Росії», ook vertaal as "Vryheid vir Rusland”,[2][3] is 'n legioen van die gewapende magte van die Oekraïne, wat in Maart 2022 gevorm is om Oekraïne teen die 2022 Russiese inval in die Oekraïne te beskerm. Dit bestaan uit oorlopers van die Russiese Gewapende Magte, sowel as ander Russiese en Belarussiese vrywilligers wat nie voorheen lede van militêre formasies was nie.[4]
Die legioen gebruik die wit-blou-wit vlag as 'n skouerkenteken in plaas van die amptelike vlag van Rusland.[2][4]
Op 22 Mei 2023 het 'n afdeling van Ruslan se Vryheidslegioen 'n oorgrensaanval in die Belgorod-streek van Rusland uitgevoer.[5][6]
Geskiedenis[wysig | wysig bron]
Die "Vryheid vir Rusland"-legioen is gevorm uit 'n kompanie van die Russiese Leër (meer as 100 soldate), wat vrywillig na die Oekraïense kant oorgeloop het. Volgens die kompaniebevelvoerder het hulle op 27 Februarie 2022, met die hulp van die Veiligheidsdiens van Oekraïne, by die Oekraïense kant aangesluit om "Oekraïners teen ware fasciste te beskerm". Hy het ook 'n beroep op sy landgenote, soldate van president Wladimir Poetin se leër, gedoen om by die "Vryheid vir Rusland"-legioen aan te sluit, om hul eie mense en die land te red "van vernedering en vernietiging".[7]
Die eerste vrywilligers van die "Vryheid vir Rusland"-legioen het begin met individuele voorlopige opleiding aan die einde van Maart 2022. In die besonder het die personeel van die legioen onder leiding van instrukteurs van die Oekraïense Gewapende Magte die gebruik van die Sweeds-Britse draagbare teentenkgeleide kortafstandmissiel NLAW, bestudeer. Die bevelvoerders van "Vryheid vir Rusland"-eenhede het kennis gemaak met die operasionele situasie op die frontlinies.[8] Die legioen se verklaarde doelwitte is om die Russiese inval in Oekraïne af te weer en uiteindelik die regime van Wladimir Poetin omver te werp.[9]
Die Vryheid vir Rusland-legioen veg na bewering saam met die gewapende magte van Oekraïne in die Donbas tydens die Oos-Oekraïense offensief. Die eenheid organiseer na bewering ook brandstigting en sabotasiedade binne Rusland.[10]
Op 11 Junie het dit bekend geword dat Igor Volobuyev, die voormalige ondervoorsitter van Gazprombank, wat Rusland verlaat het tydens die uitbreek van die inval, by die Vryheid vir Rusland aangesluit het.[11][12]
Sien ook[wysig | wysig bron]
Verwysings[wysig | wysig bron]
- ↑ Cole, Brendan (30 Maart 2022). "Former Russian Soldiers Join Ukraine Against Putin's Invasion, Kyiv Says". Newsweek. Besoek op 7 April 2022.
- ↑ 2,0 2,1 Coles, Isabel; Trofimov, Yaroslav (7 April 2022). "Belarusians, Russians Join Ukraine's Military, Hoping for Freedom at Home". Wall Street Journal. Geargiveer vanaf die oorspronklike op 10 April 2022. Besoek op 10 April 2022.
Terwyl die Belarussiese opposisie lankal geïnspireer is deur die Oekraïne se weerstand teen Rusland en pogings om outoritêre heerskappy af te dwing, is die koms van Russe wat bereid is om teen hul eie landgenote te veg relatief nuut. Die uniforms van die Vryheid vir Rusland-eenheid het die wit-blou-wit skouerwapen, in die kleure van 'n nuwe Russiese vlag wat deur sommige teenstanders van president Poetin gebruik word.
- ↑ Johnson, Sabrina (9 April 2022). "Russians 'who want to fight Putin in Ukraine' given own battalion". Metro (in Engels). Besoek op 10 April 2022.
- ↑ 4,0 4,1 "Охочих вступити до легіону "Свобода Росії" багато — представник легіону" [Many people want to join the Freedom of Russia Legion - a representative of the Legion]. Інтерфакс-Україна (Interfax-Ukraine) (in Oekraïens). Besoek op 6 April 2022.
- ↑ Melkozerova, Veronika (22 Mei 2023). "Pro-Ukraine Russian soldiers storm border region, claim 'liberation' of villages". Politico Europe. Besoek op 23 Mei 2023.
- ↑ "Freedom of Russia Legion says they are creating a "demilitarised zone" in Russia". Yahoo News, 22 Mei 2023
- ↑ "Російські військові з легіону "Вільна Росія", які воюють за Україну, дали брифінг (відео)" [Russian servicemen from the Free Russia Legion, who are fighting for Ukraine, gave a briefing (video)]. www.unian.ua (in Oekraïens). Besoek op 6 April 2022.
- ↑ "Добровольці легіону «Вільна Росія» воюватимуть за Україну: триває підготовка" [Volunteers of the Free Russia Legion will fight for Ukraine: preparations are underway]. Волинські новини (Volyn news) (in Oekraïens). Besoek op 6 April 2022.
- ↑ "The Russians Fighting Putin in Ukraine". Time. 2022. Geargiveer vanaf die oorspronklike op 8 April 2022. Besoek op 10 April 2022.
- ↑ "Russische Soldaten gegen Putin: im Donbass kämpfen, in Moskau Feuer legen". Berliner Zeitung. 4 Mei 2022. Besoek op 30 Mei 2022.
- ↑ "Former Gazprombank executive Igor Volobuev joins the Freedom to Russia Legion within the Ukrainian Armed Forces". Novaya Gazeta. 11 Junie 2022. Besoek op 12 Junie 2022.
- ↑ "'I could not be part of this crime': the Russians fighting for Ukraine". The Guardian. 14 Junie 2022. Besoek op 14 Junie 2022.