The Guardian

in Wikipedia, die vrye ensiklopedie
Spring na: navigasie, soek
The Guardian se kenteken
Kings Place in die London Borough of Islington huisves sedert Desember 2008 The Guardian se hoofkantoor in Londen
The Guardian se hoofkantoor in Londen

The Guardian, vroeër (tussen 1821 en 1959) bekend as The Manchester Guardian, is 'n invloedryke Britse dagblad wat in Londen uitgegee word en onder die Verenigde Koninkryk se leidende koerante gereken word.[1]

Die koerant is oorspronklik in 1821 in Manchester as 'n weekblad gestig, maar verskyn daagliks met die uitsondering van Sondae nadat die Britse regering in 1855 die belasting op dagblaaie (die sogenaamde stamp tax) opgehef het. Die verwysing na Manchester in die koerant se naam is in 1959 geskrap om die Guardian se status as nasionale dagblad van gehalte te weerspieël. Die redaksiekantore is in 1964 na Londen verskuif.

Die dagblad word deur die Guardian Media Group gepubliseer wat aan die Scott Trust behoort.

Geskiedenis[wysig | wysig bron]

Die koerant is in 1821 deur tekstiel-verkopers en handelaars in Manchester gestig as The Manchester Guardian. Die koerant is as 'n orgaan van die middelklas beskou[2], of soos deur C.P. Scott se seun Ted gestel: "'n koerant wat tot die einde bourgeoisies sal bly".[3] "Ek skryf vir die Guardian," sê Sir Max Hastings in 2005,[4] "omdat dit deur die nuwe establishment gelees word", 'n aanduiding van die koerant se groeiende invloed.

The Observer[wysig | wysig bron]

Die Sondagkoerant The Observer behoort sedert 1993 aan die Guardian Media Group. Ongeag die naam, is die koerant soortgelyk aan The Guardian, maar word slegs op Sondae gepubliseer.

Politieke oriëntasie[wysig | wysig bron]

Mense wat die koerante lees het gewoonlik 'n links-liberale politiese oriëntasie. Volgens 'n stemming in 2004 stem 44% van die lesers vir die Arbeidersparty en 37% vir die Liberaal-Demokrate. Dit is ook deur Amerikaanse konserwatiewes as links-georiënteerd (left-wing) beskryf.[5][6]

Die koerant het Tony Blair ondersteun toe hy die Arbeidersparty wou lei (Guardian leader, 2 Julie 1994) en om eerste minister te word (Guardian leader, 2 Mei 1997).

Verwysings[wysig | wysig bron]

  1. Encyclopædia Britannica: The Guardian. Besoek op 29 Junie 2016
  2. Friedrich Engels: The Condition of the Working Class in England, Progress, 1973, bl. 109
  3. Ayerst, The Guardian, 1971, bl. 471
  4. New Statesman 21 Februarie 2005
  5. http://thebrowser.blogs.fortune.cnn.com/
  6. http://goliath.ecnext.com/coms2/gi_0199-4730959/The-Guardian-Britain-s-leading.html

Eksterne skakels[wysig | wysig bron]