SMSS J031300.36-670839.3

in Wikipedia, die vrye ensiklopedie
Jump to navigation Jump to search
SMSS J031300.36-670839.3
Die oudste bekende ster, SMSS J031300.36-670839.3, of SM0313. (Nasa/STScI).
Die oudste bekende ster, SMSS J031300.36-670839.3, of SM0313. (Nasa/STScI).
Sterrebeeld Suidelike Waterslang
Spektraaltipe Klas K
Waarnemingsdata (Epog J2000)
Regte klimming 03h 13m 00,36s[1]
Deklinasie -67° 08′ 39,3″[1]
Skynmagnitude (m) 14,7[1]
Besonderhede
Ouderdom (jaar) 13,6 miljard
Temperatuur (K) 5 125[1]
Afstand (ligjaar) 6 000
Ander name
SM0313
Portaal  Portaalicoon   Sterrekunde

SMSS J031300.36-670839.3 (afgekort as SM0313[2]) is ’n ster in die Melkweg wat 6 000 ligjare van die Aarde af lê. Met ’n ouderdom van sowat 13,6 miljard jaar[3] is dit die oudste bekende ster in die heelal.[4][5][6]

Die ster het sowat 100 miljoen tot 200 miljoen jaar ná die Groot Knal ontstaan. Sy baie lae ysterinhoud (minder as ’n tien miljoenste van die Son s’n)[7] dui daarop dat dit ’n eerstegenerasie-populasie II-ster is wat gevorm is uit ’n gaswolk wat deur een van die heel eerste sterre voortgebring is.[5] SMSS J031300.36-670839.3 het ook veel meer koolstof as yster, meer as duisend keer soveel.[5] Benewens waterstof, wat in die Groot Knal gevorm is, bevat die ster ook magnesium en kalsium wat in ’n kleinerige supernova gevorm het.[7] Geen suurstof of stikstof is waargeneem nie.[1] Dit is ’n klas K-dwergster.[4]

Die ster is deur ’n span sterrekundiges onder leiding van die Australiese Nasionale Universiteit ontdek.[6] Die ontdekking is op 9 Februarie 2014 in die tydskrif Nature aangekondig.[1] Dit is ’n aanduiding dat die supernovas van eerstegenerasiesterre nie so kragtig was as wat eers geglo is nie.[5]

Verwysings[wysig | wysig bron]

  1. 1,0 1,1 1,2 1,3 1,4 1,5 (9 Februarie 2014) “A single low-energy, iron-poor supernova as the source of metals in the star SMSS J031300.36−670839.3”. Nature. doi:10.1038/nature12990. Besoek op 10 Februarie 2014.
  2. Kooser, Amanda (10 Februarie 2014). "Astronomers track down oldest known star in the universe". CNET. CBS Interactive Inc. Besoek op 10 Februarie 2014.
  3. Larissa Nicholson (9 Februarie 2014). "New star found by ANU reserchers may lead to universal truth". The Sydney Morning Herald. Besoek op 9 Februarie 2014. Italic or bold markup not allowed in: |publisher= (help)
  4. 4,0 4,1 Gary, Stuart (2014-02-12). "Oldest known star reveals early Universe". StarStuff. ABC Science. Besoek op 1 Maart 2014.
  5. 5,0 5,1 5,2 5,3 "Researchers identify one of the earliest stars in the universe". Massachusetts Institute of Technology. 9 Februarie 2014. Besoek op 9 Februarie 2014.
  6. 6,0 6,1 Brainard, Curtis (10 Februarie 2014). "The Archaeology of the Stars". New York Times. Besoek op 10 Februarie 2014.
  7. 7,0 7,1 Stefan Keller (10 Februarie 2014). "The oldest star discovery tells much about the early universe". The Conversation Media Group. Besoek op 10 Februarie 2014.