Samojeed (hond)

in Wikipedia, die vrye ensiklopedie
Jump to navigation Jump to search
Samojeed
'n wit en swart foto van 'n Samojeed, 'n pofferige wit hond, geneem circa 1915 in Amerika.
'n Samojeed omstreeks 1915
Ander nameBjelkier, Samojedskaja sobaka
Alledaagse bynameGlimlaggende Sammy ("Smiling Sammy")
OorsprongSiberië (Rusland)
Kenmerke
Massa Reun 20–30 kg
Teef 16–20 kg
Hoogte Reun 51–56 cm
Teef 46–51 cm
Pels Dubbelpels: dik, sagte en kort onderpels met harder en draderige buitepels.
Kleur Wit, wit-en-room, room, silwer buitepels
Lewensduur 12-14 jaar
Klassifikasiestandaarde
FCI Group Groep 5: Spits en primitiewe tipes, Section Seksie 1: Nordiese sleehonde #212
AKC Werkende groep standaard
ANKC Groep 6 (Nut) standaard
CKC Groep 3 - Werkende honde standaard
KC (UK) Pastoraal standaard
NZKC Nut standaard
UKC Noordelike rasgroep standaard
Hond (Canis lupus familiaris)

Die Samojeed is 'n honderas wat sy naam kry van die Samojeedse volke in Siberië, Rusland.[1] Die honde se wit dubbelpels, gekrulde stert wat op die rug rus en glimlag is kenmerkende eienskappe. Die Samojeed is een van die oudste honderasse[2][3] en is deur ontdekkingsreisigers soos Fridtjof Nansen, Ernest Shackleton en Roald Amundsen as sleehonde ingespan.[4][5]

Oorspong[wysig | wysig bron]

Die Samojeed is een van die oudste honderasse in die wêreld en kry sy oorspong en naam van die Samojeedse volke wat in Siberië, Rusland, gewoon het. Hierdie nomades het hierdie donsige, glimlaggende wit honde nie noodwendig vir 'n spesifieke doel geteel nie. Ten spyte hiervan het die honde hulle gehelp om takbokke op te pas (veral wanneer hulle getrek het), hulle sleë getrek en hulle warm gehou deur langs hulle te slaap. Die Samojeedse stamme, wat op die honde staatgemaak het vir oorlewing, het die honde beskou as familielede sowel as sterk, betroubare werkhonde. Dit het grootliks bygedra tot wat die honderas se temperament vandag is.[6]

Uiterlike voorkoms[wysig | wysig bron]

Die Samojeed, wat meestal as 'n werkhond beskou word, moet 'n toonbeeld van prag, wakkerheid en krag wees. Omdat hulle in 'n koue klimaat geteel is, moet hulle pels swaar, weerbestand en van goeie gehalte wees. Reuns het 'n rowwer pels as tewe.

Temperament[wysig | wysig bron]

Volgens die Kanadese Hondevereniging moet die Samojeed die volgende temperament hê:

  • Intelligent
  • Sagmoedig
  • Lojaal
  • Aanpasbaar
  • Wakker
  • Vol lewe
  • Gretig om te werk
  • Vriendelik, maar steeds bedagsaam
  • Nie skaam nie
  • Glad nie aggressief nie

Bekende Samojeedse honde[wysig | wysig bron]

  • Kaifas en Suggen, die voorspanhonde vir Fridtjof Nansen se Noordpoolekspedisie.
  • Etah, die voorspanhond vir Roald Amundsen se ekspedisie na die Suidpool, die eerste persoon wat die Suidpool bereik het (die feit dat Etah 'n Samojeed was, word egter betwis).
  • Laika, die eerste hond wat ruimte toe gestuur is, was moontlik 'n kruising tussen 'n Samojeed en 'n terriërtipe hond.
  • Samojede is the sleehonde van Stone Fox in die boek met dieselfde titel.
  • Mush was die naam van die Samojeed van Karen Carpenter wat deel van The Carpenters was.
  • Soichiro is die naam van Kyoko Otanashi's Samoyed in Maison Ikkoku, 'n Japannese animasie.
  • Maya, 'n beroemde Samojeed op sosialemediaplatforms soos Instagram en TikTok.[7]

Verwysings[wysig | wysig bron]

  1. (en) "Samoyeds Dog Breed" [Samojeedse honderas] (in Engels). Paw Culture. Besoek op 6 Oktober 2020.
  2. (en) "The history of the Samoyed dog (Sami huskie)" [Die geskiedenis van die Samojeed hond] (in Engels). Ristikent. Besoek op 6 Oktober 2020.
  3. (en) Parker, Heidie G.; Kim, Lisa V.; Sutter, Nathan B.; Carlson, Scott; Lorentzen, Travis D.; Malek, Tiffany B.; Johnson, Gary S.; DeFrance, Hawkins B.; Ostrander, Elaine A.; Kruglyak, Leonid (21 Mei 2014). "Genetic Structure of the Purebred Domestic Dog". Science. 304 (5674): 1160–1164. doi:10.1126/science.1097406. Besoek op 6 Oktober 2020.
  4. (en) "Get to Know the Samoyed: From Russia with Love" [Leer ken die Samojeed] (in Engels). Dogster. Besoek op 6 Oktober 2020.
  5. (en) "Why the claims that Amundsen's lead dog to the South Pole in 1912 was a Samoyed (perhaps named Etah) cannot possibly be true" (PDF). George H. Johnson. Besoek op 6 Oktober 2020.
  6. (en) "Samoyed" (PDF). Canadian Kennel. Besoek op 6 Oktober 2020.
  7. (en) "Meet Maya, the Most Famous Samoyed in the World" [Ontmoet vir Maja, die bekendste Samojeed in die wêreld] (in Engels). 2 Augustus 2018. Besoek op 6 Oktober 2020.