Nomade

in Wikipedia, die vrye ensiklopedie
Spring na: navigasie, soek
Nomade in Tibet.
Die Masaï trek saam met hulle beeste.

'n Nomade is iemand wat 'n swerwende bestaan voer. Sulke mense het nie 'n vaste woon- of verblyfplek nie en trek deurgaans van plek tot plek. Die term is aanvanklik vir mense of bevolkingsgroepe gebruik wat saam met hul vee rondtrek. Die is van die Oudgriekse woord νομάδες, nomades afgelei, wat "herdersvolk" of "die wat die kudde laat wei" beteken.

In 'n breër sin kan dit op die volgende leefwyses toegepas word:

  1. pastorale nomade in die oorspronklike sin van die woord, wat met hul vee tussen weigebiede reis.
  2. jager-versamelaars wat tussen jaggebiede reis.
  3. nomade wat tussen die verblyfplekke van hul klante reis, soos sommige trekarbeiders.
  4. wetenskaplikes wat in ander lande werk moet gaan soek

Mense voer gewoonlik 'n nomadiese bestaan omdat hulle nie op 'n vaste plek kan oorleef nie. Die Boesmans was oorspronklik jagter-versamelaars wat soos die seisoene verander het agter die wild aangetrek het en van die veld af geleef het. Die Khoikhoi, daarteenoor, was nomadiese veeboere wat agter goeie weiding aangetrek het. Handelaars en vakmanne voer ook soms 'n nomadiese bestaan. Handelaars reis van plek tot plek om goedere te ruil terwyl vakmanne (soos skaapskeerders) reis na waar daar ook al vir hulle werk is. Nomades is byvoorbeeld mense wat in die Sahara-woestyn woon. Hulle trek van plek tot plek. Nomades dra ook lospassende klere sodat hulle nie so maklik sal sweet nie.

Eksterne skakels[wysig | wysig bron]