Sarah Richards

in Wikipedia, die vrye ensiklopedie
Jump to navigation Jump to search
Sarah Richards met waks model vir haar bronsbeeld van 'n skoolseun.

Sarah Richards (gebore 28 September 1968) is 'n Suid-Afrikaanse beeldhouer wat veral in brons werk.

Sy is in Durban gebore en het van 1985 tot 1990 skone kunste bestudeer aan die technikon in Durban. Daarna het sy vir vier jaar oorsee gereis om ondervinding op te doen en insig te verkry. In 2008 verwerf sy haar meestersgraad (cum laude) in die skone kunste aan die Durbanse Universiteit van Tegnologie. Tans woon en werk sy in die middellande van KwaZulu-Natal.[1]

Buurtwag

Sy skep bronsbeelde vir die afgelope 20 jaar. Haar beelde toon ’n besondere nadruk op detail om beweging en animasie te weerspieël. Tydens die vroeë stadiums van modellering gebruik sy waks en klei om vloeibaarheid en detail te toon. Dan gebruik sy Rhinoliet vir tekstuur en struktuur. Sy is veral lief vir diere en voëls. Haar solo-uitstallings sluit in twee by ArtSPACE in Durban. Sy het ook deelgeneem aan uitstallings by St. Lorient Fashion & Art Galery en Cherie de Villiers Galery in Johannesburg en Foundryman’s Choice in die Paarl. Haar kommissies sluit in een van koning Nyabêla vir die Nasionale Erfenisprojek en visarende vir die Nedbank Golftoernooi by Sun City.

Verwysings[wysig | wysig bron]