Sarel Oosthuizen

in Wikipedia, die vrye ensiklopedie
Jump to navigation Jump to search
Sarel Oosthuizen
Geboortenaam Sarel Francois Oosthuizen
Gebore 22 Maart 1862[1]
Sterkfontein, Krugersdorp-distrik
Oorlede 14 Augustus 1900
Zanddrift, Krokodilrivier[2]
Nasionaliteit Suid-Afrika
Ouers Daniel Jacobus Oosthuizen
Anna Susanna Oosthuizen
Titel Veggeneraal
Beroep Boer
Bekend vir Veldslae
Huweliksmaat Susanna Cornelia Hendrika Johanna Alberts
Kind(ers) 3 seuns

Sarel Francois Oosthuizen (22 Maart 186214 Augustus 1900) is gebore op die plaas Sterkfontein, noord van Krugersdorp. Sy ouers was Daniel Jacobus Oosthuizen en Anna Susanna Oosthuizen. Hy het opgegroei op die plaas, tewens die plaas was sy skool, en reeds op jong ouderdom begin boer. Hy het rooi hare gehad met 'n welige baard en word bekend as die Rooibul van Krugersdorp. Hy neem deel aan die Eerste Vryheidsoorlog waar hy deel was van die groep wat Pretoria beleër het. Hy neem ook deel aan verskeie veldtogte teen inheemse groepe en was ook betrokke aan Boerekant tydens die Jameson-inval.

Gedurende 1899 word hy verkies as veldkornet vir Krugersdorp en in Oktober van daardie jaar vertrek hy na Natal in die kapasiteit. Hy word lig gewond tydens die Slag van Talana. Hy was ook deel van die span wat die trein by Chievely ontspoor het en het Winston Churchill gevange geneem na die geveg wat gevolg het. Tydens die Slag van Colenso speel hy en sy span 'n vername rol in die verowering van 10 kanonne. Sy reputasie word verder versterk met sy handelinge tydens die Slag van Spioenkop. Gedurende Februarie 1900 word hy bevorder tot veggeneraal. Nadat die Britse magte deurgebreek het by Biggarsberg word hy en sy span na die suidweste van Transvaal gestuur. Hy staan generaal Koos de la Rey by tydens die skermutseling met die Britse Magte by Doornkop op 29 Mei 1900. Hy speel 'n permanente rol tydens die Slag van Donkerhoek. Hierna vertrek hy na sy tuis distrik te Krugersdorp. Op 11 Julie 1900 lei hy sy magte teen die Britse magte tydens die Slag van Dwarsvlei. Hy word gewond en sterf op 14 Augustus 1900.

Oosthuizen was getroud met Susanna Cornelia Hendrika Johanna Alberts. Hulle het drie seuns gehad.

Bron[wysig | wysig bron]

Verwysings[wysig | wysig bron]

  1. Foto van sy grafsteen, besoek op 4 Januarie 2015
  2. Biografiese inligting op geni.com, besoek op 4 Januarie 2015