Sarie Marais

in Wikipedia, die vrye ensiklopedie
Jump to navigation Jump to search
Vir die gelyknamige rolprente, sien Sarie Marais (1931) en Sarie Marais (1949).
"Sarie Marais"
Toonsetting van Sarie Marais, uit die F.A.K.-volksangbundel vir Suid-Afrika.
Toonsetting van Sarie Marais, uit die F.A.K.-volksangbundel vir Suid-Afrika.
Genre  Afrikaanse volksmusiek
Woorde  J.P. Toerien (of Dirk van Alphen of Susters Bezuidenhout);
vers 3: B.A. de Wet
Melodie  Sep Winner
Verwerking  Dirkie de Villiers
Uitgereik  c. 1891
Oorsprong 
Taal/land  Engels
Titel  "Ellie Rhee"
Portaal  Portaalicoon   Musiek

Sarie Marais is 'n bekende lied deur J.P. Toerien, geskep tydens die Eerste Vryheidsoorlog (ca. 1880) of die Tweede Vryheidsoorlog (ca. 1900). Die melodie is 'n verwerking van 'n Engelstalige liedjie genaamd "Ellie Rhee" wat uit die Amerikaanse Burgeroorlog dateer. Dit is 'n baie bekende Afrikaanse volksliedjie en is al in ander tale vertaal. Dit verwys waarskynlik na 'n persoon wat werklik geleef het, Sarie Maré, maar weens 'n drukfout is die spelling "Sarie Marais" behou.

Lirieke[wysig | wysig bron]

Die graf van Sara Johanna Adriana Nel (née Maré). Sy was moontlik die inspirasie vir die liedjie.
Cquote1.svg My Sarie Marais

is so ver van my hart,
Maar'k hoop om haar weer te sien.
Sy het in die wyk
van die Mooirivier gewoon,
Nog voor die oorlog het begin.

Refrein O bring my t'rug na die ou Transvaal,
Daar waar my Sarie woon,
Daar onder in die mielies by die groen doringboom,
Daar woon my Sarie Marais,
Daar onder in die mielies by die groen doringboom,
Daar woon my Sarie Marais.

Ek was so bang
Dat die kakies my sou vang,
En vêr oor die see wegstuur;
Toe vlug ek na die kant
Van die Upington se sand
Daar onder langs die Grootrivier.

Verlossing het gekom
En die huis-toe gaan was daar,
Terug na die ou Transvaal;
My lieflingspersoon
sal seker ook daar wees
Om my met 'n kus te beloon.

Cquote2.svg

Sarie-vrouetydskrif[wysig | wysig bron]

Die Afrikaanse vrouetydskrif Sarie het die liedjie se naam oorgeneem. Die tydskrif het aanvanklik Sarie Marais geheet, 'n naam wat ten tyde van die eerste uitgawe (1949) sinoniem was met die aansien en bemagtiging van die Afrikaanse vrou. Dit was ook een van die eerste Afrikaanse tydskrifte wat hom op die vrouemark toegespits het, met inhoud wat gestrek het van mode, dekor en skoonheid tot verhoudingsadvies en gesinsvoorligting.

Sien ook[wysig | wysig bron]

  • Jacob Maré, Sarie se pa
  • Sarie, vrouetydskrif wat oorspronklik ook as Sarie Marais bekend gestaan het.
  • Sarie Marais, Afrikaanse rolprent wat in 1931 uitgereik is.
  • Sarie Marais, Afrikaanse rolprent wat in 1949 uitgereik is.

Eksterne skakels[wysig | wysig bron]