Schengen-ooreenkoms
EU-lidlande wat deelneem
EU-lidlande wat nie deelneem nie maar later sal mag aansluit
EU-lidlande wat nie moet deelneem nie
Nie-EU-lidlande wat deelneem
Nie-EU-lidlande wat de facto deelneem
Nie-EU-lidlande sonder grensbeheer
Die Schengen-ooreenkoms is 'n ooreenkoms wat in 1985 in 'n klein Luxemburgse dorpie Schengen onderteken is en die geleidelike afskaffing van die grensbeheer tussen sommige lidlande van die Europese Unie beoog het. In 1990 is 'n Konvensie onderteken wat dit geïmplementeer het en in 1995 is die grensbeheer tussen sewe lidlande opgehef.
Dit het begin as 'n intergoewermentele ooreenkoms tussen dié lidlande (los van die EU) maar dit het later deel van die EU-wetgewing geword. Vandag beslaan Schengen al die lidstate van die EU behalwe vir Siprus en Ierland, maar Ysland, Noorweë, Switserland en Liechtenstein wat nie deel van die EU uitmaak nie, het nogtans by die Schengen-akkoord aangesluit.[1]
Gibraltar sou ook deel van die Schengensone word maar in 2023 word nog aan 'n nuwe ooreenkoms tussen die Verenigde Koninkryk, die EU en Spanje gewerk om tot 'n definitiewe status te kom.[2] Kroasië het in 2023 toegetree. Roemenië en Bulgarye het in 2023 opnuut gevra om aan te sluit, maar Oostenryk het van sy veto gebruik gemaak. Nederland het ook Bulgarye geblokkeer maar sy besware teen Roemenië teruggetrek. Later het die Europese Parlement beide lande opgeroep om hulle besware te verskaf.[3] Op 1 Januarie 2025 het beide Bulgarye en Roemenië lidlande van die Schengen-ooreenkoms geword.[4]
Verwysings
[wysig | wysig bron]- ↑ (en) Amptelike webwerf van die Europese Kommissie
- ↑ (en) Benjamin Fox (27 Januarie 2023). "UK and Spain inch forward on Gibraltar deal". Euractiv.
- ↑ (en) Matthew Karnitschnig (27 April 2023). "Austria sticking to veto on Schengen expansion, foreign minister says". Politico.
- ↑ (en) "Schengen: Council decides to lift land border controls with Bulgaria and Romania". Raad van die Europese Unie. 12 Desember 2024. Besoek op 1 Januarie 2025.
