Seawolf-klas duikboot

in Wikipedia, die vrye ensiklopedie
Die USS Seawolf (SSN-21) in vaart

Die Seawolf-klas duikboot is 'n reeks Amerikaanse Vloot kernaangedrewe aanvalsduikbote. Dit is die duurste duikbote wat ooit gebou is en kan selfstandig teen vyandelike vaartuie optree indien nodig. Hulle primêre doelwit was om Russiese missieldraende duikbote te vernietig voordat hulle Amerika kon aanval. Toe die Seawolf-projek geformuleer is gedurende die middel 1980's was die Reagan-administrasie se grootste doelwit totale oorheersing oor die Sowjetduikbootvloot. Gevolglik het die Reagan-administrasie 'n ooptjekboekbeleid gevolg met die ontwikkeling van die Seawolf-duikbote.

Teen die tyd wat die eerste duikboot USS Seawolf (SSN-21) in produksie was het die Koue Oorlog tot 'n einde gekom. Die Bush-administrasie het toe in 1992 besluit om slegs die USS Connecticut en USS Jimmy Carter klaar te laat bou teen 'n koste van $ 2 765 900 000, al is daar aanvanklik beplan vir 29 eenhede.

Die koste het egter groot publieke kritiek tot gevolg gehad en die Bush-administrasie besluit toe om die hele bestelling van 29 bote te kanselleer met uitsondering van die prototipe. Die kernduikbootgemeenskap, gelei deur Admiraal Bruce DeMars, en ondersteun deur die skeepsbouers, het die Amerikaanse Kongres toe oorreed om tog die twee addisionele duikbote te laat bou. Met slegs drie duikbote wat gebou moes word het die koste skerp gestyg en die derde duikboot het meer as $ 3 miljard gekos.

Die leier in die klas, USS Seawolf (SSN-21), was die vierde duikboot van die Amerikaanse Vloot wat die naam Seawolf gedra het.

Duikbote in die klas[wysig | wysig bron]

Naam Kenteken Bouer Kiel gelê Te water gelaat In diens gestel Status
Seawolf subgroep
USS Seawolf (SSN-21) General Dynamics Electric Boat, Groton, Connecticut 25 Oktober 1989 24 Junie 1995 19 Julie 1997 In diens
USS Connecticut (SSN-22)
14 September 1992 1 September 1997 11 Desember 1998 In diens
Jimmy Carter subgroep
USS Jimmy Carter General Dynamics Electric Boat, Groton, Connecticut 5 Desember 1998 13 Mei 2004 19 Februarie 2005 In diens

Bron[wysig | wysig bron]

  • The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2

Sien ook[wysig | wysig bron]