Sejong

Sejong 세종시
Kaart	Seël
	Vlag
Land	Suid-Korea
Streek	Hoseo
Koördinate	36°29′N 127°17′O
Stigting	2012
Oppervlakte:
- Totaal	465,23 vk km
Bevolking:
- Totaal (2020)	351 007
- Bevolkingsdigtheid	754,48/vk km
Tydsone	UTC+9
Burgemeester	Lee Choon-hee
Amptelike webwerf	www.sejong.go.kr

Sejong (Koreaans: 세종; Hanja: 世宗, [ˈsʰe̞ː.dzoŋ], ) is 'n spesiale selfregerende stad en die de facto administratiewe hoofstad van Suid-Korea.

Sejong is in 2007 as die nuwe beplande hoofstad van Suid-Korea gestig uit groot dele van die provinsie Suid-Chungcheong en kleiner dele van die provinsie Noord-Chungcheong om die opeenhoping in Suid-Korea se huidige hoofstad en grootste stad Seoel te verlig en beleggings in die sentrale streek van die land aan te moedig. Sedert 2012 het die Suid-Koreaanse regering 'n aantal ministeries en agentskappe na Sejong verhuis, maar baie bly steeds in ander stede, veral Seoel, waar die Nasionale Vergadering en baie belangrike regeringsliggame bly.

Sejong het in 2020 'n bevolking van 351 007 gehad en beslaan 'n oppervlakte van 465,23 km², wat dit die mins bevolkte en kleinste administratiewe afdeling op die eerste vlak in Suid-Korea maak. Sejong is geleë in die wessentrale Hoseo-streek, en grens in die weste aan Suid-Chungcheong, in die suide aan Daejeon, asook in die ooste aan Noord-Chungcheong.

Die bou van die stad behoort in 2030 voltooi te wees. In dieselfde jaar sal alle staatsinstellings na Sejong verskuif wees. In 2030 sal die stad 'n bevolking van sowat 500 000 hê.

Naam

Sejong is genoem na koning Sejong die Grote, die vierde koning van die Joseon-dinastie en skepper van die Koreaanse alfabet Hangul. Die stad is gevorm deur die saamsluiting Yeongi, die provinsie Suid-Chungcheong, waaruit die meerderheid van die stad se gebied ontstaan het is, en ander provinsies.

Eksterne skakels

• Wikimedia Commons het meer media in die kategorie Sejong.
• (en) Toerisme-inligting oor Sejong op Wikivoyage
• (ko) Amptelike webwerf