Sellin

in Wikipedia, die vrye ensiklopedie
Jump to navigation Jump to search
Sellin
Dorp
'n Lugfoto van Sellin en sy hawehoof, met die Sellinmeer links in die agtergrond
'n Lugfoto van Sellin en sy hawehoof, met die Sellinmeer links in die agtergrond
Sellin is in Duitsland
Sellin
Sellin
Koördinate: 54°23′0″N 13°42′0″O / 54.38333°N 13.70000°O / 54.38333; 13.70000Koördinate: 54°23′0″N 13°42′0″O / 54.38333°N 13.70000°O / 54.38333; 13.70000
LandVlag van Duitsland Duitsland
DeelstaatMecklenburg-Voorpommere
MunisipaliteitMönchgut-Granitz
Eerste vermelding1295
Regering
 • BurgemeesterReinhard Liedtke
Oppervlak
 • Totaal14,33 km2 (5,53 vk. myl)
Hoogte
11 m (36 ft)
Bevolking
 • Totaal2 511
 • Digtheid175/km2 (450/vk. m.)
TydsoneUTC+1:00 (MET)
 • SomertydUTC+2:00 (MEST)
Poskode
18586
Skakelkodes038303
Webwerfamt-moenchgut.de

Sellin is 'n nedersetting en strandoord op die Oossee-eiland Rügen in die Duitse deelstaat Mecklenburg-Voorpommere. Administratief behoort Sellin aan die distrik Vorpommern-Rügen en die munisipaliteit (Amt) Mönchgut-Granitz, 'n samesluiting van nedersettings vir gemeenskaplike administrasie en munisipale dienslewering met setel in Baabe.

Sellin se houtpier is verskeie kere deur stormvloede en ysgang vernietig. In 1998 is dit volgens die historiese voorbeeld van 1927 herbou

Sellin is teen die oostelike rand van die Granitz, 'n uitgestrekte kusbos, geleë. Die nedersetting is oorspronklik as 'n klein visserdorpie langs die gelyknamige meer gestig. Die oudste vermelding van Sellin dateer uit die jaar 1295. Seshonderd jaar later, in 1895, het die bou van 'n spoorweg die dorpie vir toerisme ontsluit. Aanvanklik het veral gesinne hier hul vakansie by die see deurgebring, maar geleidelik het ook welvarendes aangetrokke gevoel tot Sellin se natuurskoon en die aangename klimaat.

Vanaf 1896 het die huidige hoofstraat Wilhelmstrasse ontstaan. Langs dié straat, wat tot by die strand loop, het villa's met wit geverfde houtfasades, stoepe en balkonne ontstaan. Hulle is tipiese voorbeelde van die sogenaamde Duitse Bäderarchitektur, 'n boustyl met elemente uit klassisisme, historisme en Jugendstil wat gedurende die Belle Époque-tydperk veral in vakansieoorde langs die Duitse Oosseekus gewild geraak het. Die bouwerke aan weerskante van Wilhelmstrasse is sorgvuldig gerestoureer en die hele straat tot monument verklaar.

Sellin se Oosseestrand, wat deur besonder fyn sand gekenmerk word, strek oor 'n lengte van twee kilometer en het 'n maksimale wydte van 30 meter. Dit word deur die steil oewer teen winde beskerm. 'n Houttrap, die sogenaamde Himmelsleiter ("Hemelleer"), en 'n hysbak verbind die dorpskern met die laer geleër sandstrand. 'n Seepromenade verbind die suidstrand sedert 1995 met die buurdorp Baabe.[1]

Verwysings[wysig | wysig bron]

  1. Katrin Tams: Ostseeküste. Potsdam: Tandem Verlag/Gaia/Vista Point 2015, bl. 212