Sergei Mironof

in Wikipedia, die vrye ensiklopedie
Sergei Mironof
Серге́й Миро́нов
Sergei Mironof

Voorsitter van die Federasieraad
Ampstermyn
5 Desember 2001 – 18 Mei 2011
President Wladimir Poetin
Dmitri Medwedef
Voorafgegaan deur Jegor Strojef
Opgevolg deur Valentina Matwijenko

Persoonlike besonderhede
Gebore 14 Februarie 1953 (1953-02-14) (71 jaar oud)
Poesjkin, Russiese SFSR, Sowjetunie (tans Rusland)
Politieke party Regverdige Rusland (2006-hede)
Russiese Party van die Lewe (2002–2006)
Komsomol(1967–1985)
Eggenoot/-note Mironowa Irina Joeriewna
Kind(ers) 2
Handtekening

Sergei Michailowitsj Mironof (Russies: Сергéй Михáйлович Мирóнов, gebore 14 Februarie 1953) is ’n Russiese politikus. Hy was van 2001 tot 2011 voorsitter van die Federasieraad, die hoër huis van die Russiese parlement, en is ’n vooraanstaande figuur in die Regverdige Rusland-party.

Loopbaan[wysig | wysig bron]

Mironof was in die 1970's in die Sowjet-weermag. Later het hy aan die destydse Leningradse Myninstituut gegradueer en as ’n ingenieur-geofisikus gewerk. Daarna het hy die politiek betree. Hy is in 1994 gekies as afgevaardigde van die Sint Petersburgse Wetgewende Raad. In Junie 2000 is hy verkies tot ondervoorsitter en in 2001 tot afgevaardigde van Sint Petersburg in die Federasieraad, die hoër huis van die parlement. Later dié jaar het hy die raad se speaker geword. Hy het in April 2003 voorsitter geword van die destydse Russiese Party van die Lewe.

Mironof het in die 2004-presidentsverkiesing gestaan, maar is nie as ’n ernstige kandidaat beskou nie. Hy het minder as 1% van die stemme gekry.

In Oktober 2006 het hy voorsitter van die nuwe Regverdige Rusland-party (Справедливая Россия) geword, wat gevorm is uit sy Russiese Party van die Lewe, die Russiese Pensioentrekkersparty en die party Rodina. Dit het hom effektiewelik die leier van die opposisie gemaak omdat die drie partye saam sterker is as die Kommunistiese Party van die Russiese Federasie.

In 2008 het die destydse president Wladimir Poetin aan hom die Orde van Meriete vir die Vaderland, 3de klas, toegeken. Hy het ook al talle ander politieke toekennings en eredoktorsgrade gekry.

Eksterne skakels[wysig | wysig bron]