Shahnameh

in Wikipedia, die vrye ensiklopedie
Jump to navigation Jump to search
Shahnameh

Die Shahnameh (Boek van Konings, Persies: شاهنامه ) is 'n groot poëtiese opus (samestelling) deur die Persiese digter Ferdowsi. Die boek is rondom 1000 n.C. geskryf.

Die Shahnameh bevat ongeveer 50000 versreëls wat elk uit twee koppels (verse met twee reëls) bestaan.[1] Die Shahnameh is een van die langste epiese gedigte ter wêreld, en een van die grootste literêre werke van die Persiese taal. Dit vertel hoofsaaklik die mitiese, en tot 'n sekere mate, die historiese, verlede van die Persiese Ryk vanaf die skepping van die wêreld tot die Arabiese verowering van Iran in die 7de eeu. Moderne Iran, Azerbeidjan, Afghanistan en die groter streek wat beïnvloed is deur Persiese kultuur (soos Georgië, Armenië, Turkye en Dagestan) vier hierdie nasionale gedig.

Die werk is van die grootste belang in die Persiese kultuur en Persiese taal, wat as 'n literêre meesterstuk beskou word, en definieer die etno-nasionale kulturele identiteit van Iran.[2] Dit is ook belangrik vir die hedendaagse aanhangers van Zoroastrianisme deurdat dit die historiese bande tussen die begin van die godsdiens en die dood van die laaste Sassanidiese heerser van Persië tydens die Moslem-verowering opspoor wat die Zoroastriese invloed in Iran beëindig.

Faramarz, suen van Rostam, betreur die dood van sy vader, en sy oom, Zavareh.

Komposisie[wysig | wysig bron]

Die moord van Khosrau II in 'n manuskrip van die Shahnameh van Shah Tahmasp wat in 1535 deur Abd al-Samad gemaak is

Ferdowsi het die Shahnameh in 977 begin skryf en het dit op 8 Maart 1010 voltooi.[3] Die Shahnameh is 'n monument van poësie en historiografie, synde hoofsaaklik die poëtiese omskakeling van wat Ferdowsi, sy tydgenote en sy voorgangers beskou het as die verhaal van Iran se antieke geskiedenis. Baie van hierdie verhale bestaan al in prosa, waarvan 'n voorbeeld die Abu-Mansuri Shahnameh is. 'n Klein gedeelte van Ferdowsi se werk, in gedeeltes verspreid oor die Shahnameh, is geheel en al van sy eie opvatting.

Verwysings[wysig | wysig bron]

  1. Lalani, Farah (13 Mei 2010). "A thousand years of Firdawsi's Shahnama is celebrated". The Ismaili (in Engels). Geargiveer vanaf die oorspronklike op 24 Augustus 2014. Besoek op 24 Mei 2010.
  2. Ashraf, Ahmad (30 Maart 2012). "Iranian Identity iii. Medieval Islamic Period". Encyclopædia Iranica (in Engels). Geargiveer vanaf die oorspronklike op 25 Oktober 2019. Besoek op 11 Desember 2018.
  3. Khaleghi-Motlagh, Djalal (26 Januarie 2012). "Ferdowsi, Abu'l Qāsem i. Life". Encyclopædia Iranica (in Engels). Geargiveer vanaf die oorspronklike op 31 Oktober 2019. Besoek op 27 Mei 2012. the poet refers... to the date of the Šāh-nāma’s completion as the day of Ard (i.e., 25th) of Esfand in the year 378 Š. (400 Lunar)/8 March 1010

Eksterne skakels[wysig | wysig bron]