Sherbrooke

in Wikipedia, die vrye ensiklopedie
Spring na: navigasie, soek
Sherbrooke
Die Raadsaal van Sherbrooke
Die Raadsaal van Sherbrooke
Wapen van Sherbrooke
Wapen
Official logo of Sherbrooke
Logo
Bynaam: Queen of the Eastern Townships
Slagspreuk: Ne quid nimis
Ligging van Sherbrooke op 'n kaart (Quebec)
Sherbrooke
Sherbrooke
Koördinate: 45°24′00″N 71°53′03″W
Land Vlag van Kanada Kanada
Provinsie Quebec
Region Estrie
Regionale County
Stigting 1802
Geïnkorporeer op 1 Januarie 2002
Regering
 - Burgemeester Bernard Sévigny
Oppervlak
 - Land 353,49 km² (136,48 vk m)
 - Metro 1 459,61 km² (563,56 vk m)
Hoogte 128-378 m (420-1 240 vt)
Bevolking (2011)
 - Stad 154 601
 - Digtheid 437,4/km² (1 133/vk m)
 - Metropolitaans 201 890
 - Metrodigtheid 183,3/km² (475/vk m)
Tydsone EST (UTC-05:00)
 - Somer (DST) EDT (UTC-04:00)
Poskode J1E, J1G, J1H, J1J, J1K, J1L, J1M, J1N, J1R
Skakelkode(s) 819
Webwerf: ville.sherbrooke.qc.ca

Sherbrooke is 'n stad in die suid-ooste van die Franssprekende Kanadese provinsie Quebec met 154 601 inwoners (2011). Dit is die grootste stad in die Estrie-gebied en die vierde grootste metropolitaanse gebied in die provinsie. Sherbrooke is die ekonomiese, politieke, kulturele en opvoedkundige spilpunt van Estrie (in Engels bekend as die Eastern Townships). In die vroeë 20ste eeu is na die stad verwys as The Queen of the Eastern Townships.

Die nedersetting is deur Engelssprekende lojaliste uit die Dertien Kolonies gestig en het oorspronklik as Hyatt's Mill bekendgestaan. Dit is in 1818 hernoem tot Sherbrooke - ter ere van Sir John Sherbrooke (1764-1840), 'n Britse generaal wat as luitenant-goewerneur van Nova Scotia (1812-1816) en goewerneur-generaal van Brits-Noord-Amerika gedien het (1816-1818).

Geskiedenis[wysig | wysig bron]

Sherbrooke: rue King

Die eerste setlaars in die omgewing van Sherbrooke was Amerikaanse lojaliste wat hulle in 1793 in die gebied gevestig het. Gilbert Hyatt, 'n boer uit Schenectady in die deelstaat New York, het hier in 1802 'n meelblommeul opgerig.

Op 1 Januarie 2002 is die voorstede Ascot, Bromptonville, Deauville, Fleurimont, Lennoxville, Rock Forest en Saint-Élie-d'Orford by Sherbrooke ingesluit.

Geografie en ekonomie[wysig | wysig bron]

Sherbrooke is geleë by die samevloeiing van die Saint-François- en Magogriviere. Dit is 'n belangrike landbougebied vir melkboerdery. Die plaaslike hokkiestokbedryf is die grootste ter wêreld.

Besienswaardighede[wysig | wysig bron]

  • Sherbrooke Village is 'n outentieke dorp en opelugmuseum uit die sestigerjare van die 19de eeu. Houtwerkers en skeepsbouers wys hier die ou ambagte en tegnieke van die pioniers. Die gerestoureerde geboue sluit 'n kunswinkel, woonhuise, 'n apteek, 'n poskantoor en die ou kerk in.

Eksterne skakels[wysig | wysig bron]