Sigourney Weaver
| Sigourney Weaver | |
| |
Weaver in 2010 by die Oscars.
| |
| Geboortenaam | Susan Alexandra Weaver |
|---|---|
| Geboorte | 8 Oktober 1949 |
| Aktiewe jare | 1976-tans |
Sigourney Weaver (gebore as Susan Alexandra Weaver; 8 Oktober 1949) is ’n Amerikaanse aktrise en rolprentvervaardiger.
Loopbaan[wysig | wysig bron]
.jpg)
Ná haar debuut in ’n klein rol in Annie Hall (1977) het sy gou bekend geraak vir haar eerste hoofrol in 1979 as Ellen Ripley in Alien. Sy het dié rol weer in drie opvolgprente gespeel: Aliens (1986), waarvoor sy vir ’n Oscar vir beste aktrise benoem is, Alien 3 (1992) en Alien: Resurrection (1997). Sy is ook bekend vir haar rolle in die lokettreffers Ghostbusters (1984), Ghostbusters II (1989) en Avatar (2009).
Weaver is in 1980 vir ’n Drama Desk-prys benoem vir die Off-Broadway-toneelstuk Das Lusitania Songspiel, en het in 1984 ’n Tony-benoeming gekry vir die Broadway-stuk Hurlyburly. Sy is al sewe keer vir ’n Golden Globe benoem, waarvan sy twee gewen het: vir Gorillas in the Mist en Working Girl. Sy was die eerste persoon wat in dieselfde jaar twee Golden Globes vir toneelspel gewen het.[1] Sy het ook Oscar-benoemings vir albei rolle gekry.
Vir haar rol in die 1997-prent The Ice Storm het sy die Bafta vir beste vroulike byspeler gewen. Sy is ook vir drie Emmys benoem en het twee Saturn-pryse gewen.
Weaver is bekend vir haar talle rolle in wetenskapsfiksieprente, ook soms klein rolle in suksesvolle flieks soos Futurama (2002), WALL-E (2008), Paul (2011) en The Cabin in the Woods (2012).[2][3] Haar ander prente sluit in The Year of Living Dangerously (1983), Dave (1993), Death and the Maiden (1994), Copycat (1995), A Map of the World (1999), Galaxy Quest (1999) en Prayers for Bobby (2009).
Verwysings[wysig | wysig bron]
- ↑ "Session Timeout – Academy Awards Database – AMPAS". Awardsdatabase.oscars.org. 29 Januarie 2010. Besoek op 12 Julie 2010.
- ↑ "Weaver's interview in Los Angeles Times Hero Complex". Los Angeles Times Hero Complex. Besoek op 2 Oktober 2011.
- ↑ "Article about Weaver". The Post and Courier. Besoek op 2 Oktober 2011.
Eksterne skakels[wysig | wysig bron]
- Sigourney Weaver by Box Office Mojo
- Sigourney Weaver in die Internet-rolprentdatabasis
- Sigourney Weaver by Emmys.com
- BBC-nuusartikel oor Sigourney Weaver
- ’n Daily Telegraph-onderhoud met Weaver
Wikimedia Commons het meer media in die kategorie Sigourney Weaver.
Hierdie artikel is vertaal uit die Engelse Wikipedia
Normdata  |
|
|---|