Skeletformule

in Wikipedia, die vrye ensiklopedie
Spring na: navigasie, soek

Die skeletformule van 'n organiese molekulêre verbinding is 'n weergawe van die molekuul se struktuur waarin sistematiese vereenvoudigings aangebring is om die beeld makliker en oorsigteliker te maak. Die reëls wat gevolg word is:

  1. Die bindings tussen koolstof en waterstof word nie met 'n strepie aangegee nie: C—H word eenvoudig CH
  2. Die letters C en H word weggelaat; net die bindingstrepies tussen koolstofatome word weergegee: "C—C" word dus "—"; "C=C" word "="; "C≡C" word "≡".
  3. Alle ander elemente word deur hulle simbole weergegee en ook die bindings word getoon
  4. In aromatiese ringe word dikwels met 'n sirkel aangegee (Thiele-notasie), pleks van met drie dubbelbindings (Kekulé-ring).

Soms word hibriede-weergawes gebruik waarin dele van die molekuul wel, en ander dele nie tot 'n skelet herlei word nie.

Skeletformule van butadieen
Trans-butadiene-3D-balls.png Butadiene structures.svg
Volledige Lewis-struktuur ==> skelet
Skeletformules van meta-xileen
M-xylene-spaceFilling.png M xylène.png Meta-Xylol - meta-xylene 2.svg M-Xylene.svg M-xylene topo.svg
Sonder C-H bindings Sonder ring-C en H Volledige skelet Met aromatiese ring.
Twee C wegelaat Met Kekulé-ring Met Thiele-ring

'n Uitsondering op die reël dat alle waterstofatome weggelaat word, betref die aldehiede (alkanale). Die eindstandige waterstofatoom van die -CHO-funksionele groep word gewoonlik wel weergegee omdat dit besondere eienskappe het.

Skeletformule van asetaldehied (etanal)
Acetaldehyde-3D-balls.png Acetaldehyde-2D.png Acetaldehyde-skeletal.svg
Skeletformule van chloroasetaldehied (chloroëtanal)
Chloroacetaldehyde-3D-balls.png Chloroacetald.png Chloroacetaldehyde Structural Formula V1.svg