Slagtand

Die vier hoektande, of slagtande, van 'n kat. (Die langste twee tande van die boonste en onderste kake)

'n Slagtand is 'n lang, gepunte tand. By soogdiere word slagtande gebruik om vas te byt en vleis te skeur. By slange word dit as gif-inspuitingstand benut. Spinnekoppe het ook (gif)slagtande, wat deel van die kloukake uitmaak. Fantasiegedrogte, soos drake en vampiere, beskik ook oor slagtande. Dit word gewoonlik ingespan om prooi vas te hou en vinnig te dood, soos wat by die groot katte waargeneem kan word.

Slagtande kom die meeste by roofdiere of alleseters voor, maar kan ook by sommige planteters, soos vrugtevlermuise, opgemerk word. By allesetende diere, soos bere, kom slagtande goed te pas wanneer daar op vis en ander prooi jag gemaak word, maar word nie benodig wanneer vrugte genuttig word nie. Ook ape het slagtande, wat in gevegte en afskrikdreigemente aangewend word. Slagtande maak egter nie deel van die menslike gebit uit nie.

Galery

• 
  Die hoektande, of slagtande, van 'n tier
• 
  Die slagtande van 'n hond
• 
  'n Kloukaakslagtand van 'n tarantula
• 
  Die slagtande van 'n Gaboenadder
• 
  Slagtande van 'n vampier

Hierdie artikel is in sy geheel of gedeeltelik vanuit die Engelse Wikipedia vertaal.