Smartt-sindikaatdam

in Wikipedia, die vrye ensiklopedie
Jump to navigation Jump to search
Smartt-sindikaatdam
Ligging 20 km van Britstown
Provinsie/Land Noord-Kaap, Suid-Afrika
Koördinate 30°37′45″S 23°18′16″O / 30.62917°S 23.30444°O / -30.62917; 23.30444Koördinate: 30°37′45″S 23°18′16″O / 30.62917°S 23.30444°O / -30.62917; 23.30444
Dam op Ongersrivier
Doel Besproeiing
Openingsdatum 1963
Eienaar Departement van Waterwese
Soort dam Grondvulling
Hoogte van wal 21 m
Lengte van wal 1806 m
Bakmaat 100 300 000 m3
Reservoir Smartt-damreservoir
Damoppervlak 3 156.9 hektaar

Die Smartt-sindikaatdam, een van die oudste damme in die land, is 'n 20 km wes-suidwes van Britstown en suid van die pad na Vosburg. Dit het 'n volume van byna 95 miljoen m³. Met 'n stelsel kanale van 47 km word 22 boere en 'n gebied van 1 800 ha van water voorsien. Daar word hoofsaaklik met lusern, koring, mielies en beeste geboer.

Water van die streek oos van Carnarvon en Vosburg sowel as vanaf Richmond, Victoria-Wes en Loxton vloei in die Groenrivier en die Ongersrivier (en sy sytakke die Brak-, Brakpoort-, Klein-Brak- en die Visgatriviere) na die dam. Hierdie seisoenale riviere dreineer saam 'n opvangsgebied van 'n 12 000 km² en lewer 'n jaarlikse afloop van 50 miljoen m³.

Die Smartt-sindikaat word in 1885 deur 'n groep grondeienaars onder leiding van dr. Thomas Smartt gestig. Hierdie groep bou tussen 1908 en 1912 by Houwater die grootste privaatdam in Suid-Afrika; dit was op daardie tydstip met sy volume van 112 miljoen m³ boonop die grootste dam in die land. Na twee dekades was die volume egter deur toeslikking gehalveer, 'n probleem wat menige opgaardamme ondervind het. In Oktober 1954 is die sindikaat gelikwideer en deur 'n groep boere oorgeneem wat 'n besproeiingsraad gevorm het. Tydens die vloed van Maart 1961 het die grondwal gebreek, maar dit is in 1964 deur die staat herstel.

Sien ook[wysig | wysig bron]

Bibliografie[wysig | wysig bron]