Victoria-Wes

in Wikipedia, die vrye ensiklopedie
Victoria-Wes

Victoria West
Dorp
NG kerk Victoria-Wes
Wapen van Victoria-Wes
Wapen
Victoria-Wes is in Noord-Kaap
Victoria-Wes
Victoria-Wes
 Victoria-Wes se ligging in Noord-Kaap
Koördinate: 31°24′11″S 23°07′14″O / 31.40306°S 23.12056°O / -31.40306; 23.12056Koördinate: 31°24′11″S 23°07′14″O / 31.40306°S 23.12056°O / -31.40306; 23.12056
LandVlag van Suid-Afrika Suid-Afrika
ProvinsieNoord-Kaap
DistrikPixley ka Seme
MunisipaliteitUbuntu
Stigting1844[1]
Oppervlak
 • Totaal78,95 km2 (30,48 vk. myl)
Bevolking
 (2011)[2]
 • Totaal8 254
 • Digtheid105/km2 (270/vk. myl)
Rasverdeling (2011)
 • Wit mense5.6%
 • Indiërs/Asiërs0.4%
 • Bruin mense69.3%
 • Swart mense23.7%
 • Ander0.9%
Taal (2011)
 • Afrikaans82.1%
 • Xhosa13.8%
 • Engels1.1%
 • Ander3.0%
Poskode (strate)
7070
Poskode (posbusse)
7070
Skakelkode053

Victoria-Wes is 'n dorp in die sentrale Karoo-streek van die provinsie Noord-Kaap. Dit is op die N12-roete geleë, op 'n hoogte van 1 300 meter. Dit is die setel van die Ubuntu Plaaslike Munisipaliteit in die Pixley ka Seme-distriksmunisipaliteit.

Geskiedenis[wysig | wysig bron]

Toe diamante in 1867 by Hopetown ontdek is, is 'n hoofpad teen 'n reghoek bo-oor die hoofstraat van Victoria-Wes gemaak. Hotelle, winkels en selfs 'n koerant is opgerig. Die spoorweg het 12 km van die dorp af verbygeloop en Victoria-Wes moes tevrede wees met 'n spoorweghalte met die koddige naam Victoria-Wes-Weg en 'n swak grondpad dorp toe.

NG gemeente[wysig | wysig bron]

Die dorp het sy ontstaan te danke aan die voorstelling in April 1844 van die eerste kerkraadslede, wat dadelik oorgegaan het om grond aan te koop vir die aanlê van 'n dorp. Vir 23 000 riksdaalders (£1725) is die plaas Kapoksfontein en 'n deel van die plaas Zeekoegat aangekoop en op 28 Augustus 1844 besluit die kerkraad dat die "parochie . . . naar onze geliefde koningin 'Victoria' zoude genoem worde". Die getal belydende lidmate was in 1979 726, in 1990 566 en in 2007 465.

Besienswaardighede[wysig | wysig bron]

St John-kerk, Victoria-Wes (1869)

Die Apollo-teater is die enigste oorblywende voorbeeld van 'n Art Deco-teater uit die dekade na 1950. Gereelde rolprentfeeste word hier aangebied. Die Handelspos en Mannetjies Roux-museum bied aandenkings van die legendariese Springbok-rugbyspeler te koop aan. Die Anglikaanse kerk, gebou in 1869, het twee pragtige gebrandskilderde ruite.

Daar is 'n wildreservaat buite die dorp met springbokke, elande, swartwildebeeste, blesbokke, gemsbokke en ander wild. Op 'n nabygeleë plaas is daar 'n aansienlike versameling ou motorkarre, onder meer stoomaangedrewe modelle en een van Adolf Hitler se koeëlvaste voertuie.

Bevolking[wysig | wysig bron]

Volgens die World Gazetteer het Victoria-Wes se bevolking van 8 409 in 1996 tot 8 164 in 2007 afgeneem, maar weer tot 11 202 in 2008 toegeneem.[3]

Sien ook[wysig | wysig bron]

Verwysings[wysig | wysig bron]

  1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 1 Maart 2017.
  2. 2,0 2,1 2,2 2,3 "Hoofplek Victoria-Wes". Sensus 2011.
  3. "World Gazetteer". Geargiveer vanaf die oorspronklike op 4 Desember 2012. Besoek op 4 Desember 2012.

Bronne[wysig | wysig bron]

Eksterne skakels[wysig | wysig bron]