Soon-Yi Previn

in Wikipedia, die vrye ensiklopedie
Soon-Yi Previn
Previn in 2009.
Previn in 2009.
Geboortenaam Oh Soon-hee
Gebore Omstreeks 8 Oktober 1970 (1970-10-08) (53 jaar oud) ,

Seoel, Suid-Korea

Nasionaliteit Amerikaans
Eggenoot Woody Allen
Moeder Mia Farrow
Vader André Previn
Kinders 2 (aangeneem)
Koreaanse naam 순이 프레빈
Latynse spelling Sun-i Peurebin / Suni Pŭrepin

Soon-Yi Previn (gebore omstreeks 8 Oktober 1970 as Oh Soon-hee, Koreaans: 오순희) is die aangenome dogter van die aktrise Mia Farrow en musikant André Previn. Sy is getroud met die rolprentregisseur Woody Allen, saam met wie sy twee kinders aangeneem het.

Volgens Previn en Allen het hulle hulle verhouding begin nadat hy sy verbintenis van 10 jaar met Farrow beëindig het, toe Previn 21 jaar oud was. Hulle verhouding het in 1992 voorbladnuus geword.

Vroeë lewe[wysig | wysig bron]

Soon-Yi Previn is in Suid-Korea gebore. Sy is op 12 Februarie 1976 alleen in Seoel gekry en tydelik in 'n plaaslike instelling geplaas. Toe die owerheid nie haar ouers of familie kon opsoor nie, is sy in 'n kinderhuis geplaas. 'n Gesinshof het vir haar 'n wetlike geboortesertifikaat uitgereik met die geboortedatum 8 Oktober 1970.[1][2]. 'n Beenskandering met die tyd van haar aanneming het bepaal sy is tussen vyf en sewe jaar oud.[3] Previn het vertel sy het as jong kind op strate gelewe en kos in asblikke gekry.[4]

In 1978 het Farrow en haar man van destyds, André Previn, Soon-Yi aangeneem en na die VSA geneem.[5]

Farrow en Previn se huwelik het in 1979 geëindig. In 1980 het Farrow 'n langtermynverhouding met Woody Allen aangeknoop.[6] Allen het later ook twee van Farrow se aangenome kinders aangeneem: Dylan Farrow en Moses Farrow. In 1987 het Mia Farrow die lewe geskenk aan Ronan Farrow, Allen se biologiese seun.

Previn het aan die Drew-universiteit studeer[7][8] en 'n MA-graad in spesiale opvoeding aan die Columbia-universiteit behaal.[9] In haar tienerjare het sy 'n rol sonder krediet gehad in Allen se Hannah and Her Sisters (1986), waarin Mia Farrow ook gespeel het. Sy was ook 'n ekstra in Paul Mazursky se rolprent van 1991, Scenes from a Mall,[9] waarin Allen ook was. In 1997 het sy saam met Allen in die dokumentêr Wild Man Blues (1997) verskyn.[10]

In 1992 het Previn gesê Farrow het haar fisiek mishandel.[11] In 2018 het haar broer Moses Farrow gesê hy is ook fisiek deur Farrow mishandel.[12]

Verhouding met Woody Allen[wysig | wysig bron]

Woody Allen en Soon-Yi Previn in 1996 in Venesië.

In Januarie 1992 het Farrow op naakfoto's van Previn afgekom in Allen se huis. Allen, toe 56, het vir Farrow gesê hy het die foto's die vorige dag geneem, omtrent twee weke nadat hy en Previn die eerste keer seks gehad het.[13] Volgens Farrow het sy die verhouding met Allen in 1992 verbeek nadat sy van die affair uitgevind het.[14][9] Previn en Allen ontken dit en sê Allen en Farrow was nie meer by mekaar betrokke toe Farrow op die foto's afkom nie.[11]

Volgens die geboortesertifikaat wat die hof in Seoel uitgereik het, het Previn in Oktober 1991 21 geword.[4][15][16] Die geregtelike ondersoek wat gedoen is in die toesigsaak tussen Farrow en Allen het tot die gevolgtrekking gekom die seksuele verhouding tussen Allen en Previn het in Desember 1991 begin.[17] Mia Farrow se vriende sê dit kon in die noordelike lente of somer van 1991 begin het, voordat Previn 21 was.[3][16]

Toe die twee se verhouding in 1992 op die lappe kom, was dit die hoogtepunt van die skindernuus in die geelpers.[18]

Verwysings[wysig | wysig bron]

  1. ↑ United States Congressional serial set (in Engels). 1977.
  2. ↑ Congressional Serial Set (in Engels). U.S. Government Printing Office. 1978.
  3. ↑ 3,0 3,1 Orth, Maureen (November 1992). "Mia's Story". Vanity Fair.
  4. ↑ 4,0 4,1 Merkin, Daphne (16 September 2018). "Introducing Soon-Yi Previn [interview]". Vulture.com.
  5. ↑ Callahan, Maureen (8 Januarie 2012). "The quiet victory of Mia & the kids Woody left behind". New York Post. Besoek op 25 November 2016.
  6. ↑ Vultaggio, Maria (11 Mei 2016). "Woody,Allen Wife Soon-Yi And Their Bizarre History: Ronan Farrow Addresses Sex Abuse Allegations At Cannes". International Business Times. Besoek op 25 November 2016.
  7. ↑ "Drew University - Profile, Rankings and Data". U.S. News & World Report.
  8. ↑ Morrissey, Tracie Egan (10 Februarie 2014). "All Mia's Children: The Tangled Branches of the Farrow Family Tree". Jezebel. Besoek op 2 Januarie 2021.
  9. ↑ 9,0 9,1 9,2 Orth, Maureen. "Mia's Story". Vanity Fair. Besoek op 25 November 2016.
  10. ↑ Ebert, Roger. "Wild Man Blues Movie Review & Film Summary (1998) | Roger Ebert". www.rogerebert.com (in Engels). Besoek op 26 Mei 2023.
  11. ↑ 11,0 11,1 "Soon-Yi Speaks: 'Let's Not Get Hysterical'". Newsweek. 30 Augustus 1992. Besoek op 15 September 2018.
  12. ↑ "Moses Farrow Speaks Out". 4 Januarie 2018.
  13. ↑ Perez-Pena, Richard (23 Maart 1993). "Nude Photographs Are Focus Of Woody Allen's Testimony". The New York Times. Geargiveer vanaf die oorspronklike op 17 Januarie 2018.
  14. ↑ Tait, Robert (5 Mei 2016). "Woody Allen 'immune' to criticism over affair with former partner's daughter". The Telegraph.
  15. ↑ Farrow, Moses. "A SON SPEAKS OUT". A SON SPEAKS OUT By Moses Farrow. Besoek op 2 Maart 2021.
  16. ↑ 16,0 16,1 Rao, Sonia (1 Maart 2021). "'Allen v. Farrow': 5 takeaways from the second episode, which focuses on Soon-Yi Previn". The Washington Post.
  17. ↑ "ALLEN v. FARROW" (in Engels). Leagle. Besoek op 1 Desember 2019.
  18. ↑ Klepp, L.S. (18 Februarie 2000). "The Unruly Life of Woody Allen". Entertainment Weekly. Besoek op 2 Januarie 2021.

Skakels[wysig | wysig bron]

Ontsluit van "https://af.wikipedia.org/w/index.php?title=Soon-Yi_Previn&oldid=2654120"