Mia Farrow

in Wikipedia, die vrye ensiklopedie
Spring na: navigasie, soek
Mia Farrow
'n Beeld van die betrokke persoonlikheid.
Farrow in 2012.

Geboortenaam María de Lourdes Villiers Farrow
Geboorte 9 Februarie 1945 (1945-02-09) (72 jaar oud)
Nasionaliteit Amerikaans
Beroep(e) Aktrise
Aktiewe jare 1959–tans
Internet-rolprentdatabasis-profiel

Mia Farrow (op 9 Februarie 1945 gebore as María de Lourdes Villiers Farrow)[1][2] is ’n Amerikaanse aktrise, aktivis en voormalige model.

Loopbaan[wysig | wysig bron]

Farrow in 1980.

Sy het eerste aandag getrek in die TV-sepie Peyton Place en haar kort huwelik met Frank Sinatra. Vir haar spel as Rosemary in Roman Polanski se 1968-prent Rosemary's Baby is sy vir ’n Bafta en Golden Globe benoem. Sy het daarna ook in prente soos John and Mary (1969), Follow Me! (1972), The Great Gatsby (1974) en Death on the Nile (1978) verskyn.

Farrow was van 1980 tot 1992 in ’n verhouding met die akteur en regisseur Woody Allen. Sy het in dié tyd in 12 van sy 13 rolprente verskyn, onder meer Zelig (1983), Broadway Danny Rose (1984), The Purple Rose of Cairo (1985), Hannah and Her Sisters (1986), Crimes and Misdemeanors (1989) en Alice (1990). Haar laaste prente sluit in Widows' Peak (1994), The Omen (2006), Be Kind Rewind (2008), Dark Horse (2011) en die Arthur-reeks (2006–2010).

Sy het in meer as 50 rolprente verskyn en het talle pryse gewen, insluitende ’n Golden Globe (met nog sewe benoemings). Sy is ook vir drie Baftas benoem en het ’n prys vir beste aktrise gewen op die San Sebastian-rolprentfees.[3]

Farrow is ook bekend vir haar uitgebreide werk as ’n welwillendheidsambassadeur van Unicef. Sy is betrokke by humanitêre bedrywighede in Darfoer, Tsjad en die Sentraal-Afrikaanse Republiek. In 2008 het die tydskrif Time haar aangewys as een van die invloedrykste mense in die wêreld.[4]

Verwysings[wysig | wysig bron]

  1. "Mia Farrow Biography". The Biography Channel. Verkry op 13 Januarie 2014. 
  2. "Music – Mia Farrow". BBC. Verkry op 3 Maart 2014. 
  3. Mia Farrow – Awards, imdb.com; besoek op 21 November 2014.
  4. Rusesabagina, Paul (12 Mei 2008). "Heroes & Pioneers: Mia Farrow". time.com. Verkry op 6 Oktober 2014. 

Eksterne skakels[wysig | wysig bron]