Breda

Breda
Kaart	Wapen
	Vlag
Land	Nederland
Administratiewe gewes	Noord-Brabant
Koördinate	51°34′N 4°48′O
Stigting	1080
Oppervlakte:
- Totaal	129,15 vk km
Hoogte bo seevlak	0 m
Bevolking:
- Totaal (2011)	174 544
- Bevolkingsdigtheid	1 377/vk km
Tydsone	CET (UTC+1)
- Somertyd	CEST (UTC+2)
Amptelike webwerf	www.breda.nl
Wikimedia Commons	Breda

Breda is 'n stad en munisipaliteit in die Nederlandse provinsie Noord-Brabant. Die munisipale gebied het sowat 175 000 inwoners (2011) en 'n oppervlakte van 129 km².

Die munisipaliteit Breda omvat naas die stad self ook die dorpe Bavel, Prinsenbeek, Teteringen en Ulvenhout. Breda is geleë aan die belangrike handelsweë Rotterdam - Antwerpen en Amsterdam - Utrecht - Antwerpen. Dit het ook 'n treinstasie aan die nuwe hoësnelheidslyn HSL-Zuid, van Parys oor Brussel en Antwerpen na Rotterdam en Amsterdam.

Breda besit 'n historiese sentrum met talle historiese geboue. Die Grote Markt is die sentrale punt van die stad. Behalwe talryke kafees en restaurants word hier die Oude Stadhuis, en ook die Grote of Onze Lieve Vrouwekerk aangetref. Die stadskasteel uit die 17de eeu huisves die Koninklijke Militaire Academie. Ten suide van die stad is die Kasteel Bouvigne.

Tot 1795 was die burgers van Breda onderdane van die Baron van Breda, wat tegelykertyd Graaf van Nassau was. Die stad is sedert 1853 die setel van 'n Biskop in die Rooms-Katolieke Kerk.

Breda het 'n baie populâre Eredivisie sokkerspan: NAC Breda (hierdie klub het die langste naam vir 'n sokkerklub ter wêreld).

Die stad Breda is indirek die naamgewer van Bredasdorp in Suid-Afrika, wat vernoem is na Michiel van Breda.

Geboortes

• Hans van Mierlo (1931-2010), joernalis en politikus

Eksterne skakels

• (nl) Die amptelike webwerf van die munisipaliteit
• (nl) Die amptelike toeristiese webwerf van die munisipaliteit