Rotterdam

in Wikipedia, die vrye ensiklopedie
Spring na: navigasie, soek

Rotterdam

Rotterdam1.JPG
Kaart Wapen
LocatieRotterdam-2010.png
Rotterdam wapen.svg
Vlag
Flag Rotterdam.svg
 Land Vlag van Nederland Nederland
 Koördinate 51°55′N 4°30′O
 Stigting 13de eeu
 Provinsie Flag Zuid-Holland.svg Suid-Holland
 Oppervlakte:  
 - Totaal 319,35 vk km
 Bevolking:  
 - Totaal (1 Okt. 2010) 607 460
 - Bevolkingsdigtheid 2 943/vk km
 Tydsone UTC+1
 - Somertyd UTC+2
 Burgemeester (party) Ahmed Aboutaleb
 Amptelike webwerf rotterdam.nl
 Wikimedia Commons Rotterdam

Rotterdam is 'n groot Nederlandse hawestad en die op een na grootste stad van Nederland. Rotterdam maak deel uit van die Randstad gebied en is in Suid-Holland geleë. Die hawe van Rotterdam is een van die grootste en belangrikste hawens ter wêreld, en de grootste van Europa.

Met 607 460 inwoners (1 Oktober 2010) is Rotterdam die tweede grootste stad (naas Amsterdam) in Nederland.[1]

Ekonomie en vervoer[wysig]

Ekonomiese struktuur[wysig]

Die seehawe, wat naas Nederland ook groot dele van Duitsland en dele van Wes-Europa bedien, is die oorheersende ekonomiese faktor in Rotterdam. Daarnaas speel groot maatskappye 'n beslissende rol in die plaaslike ekonomie - so verteenwoordig twee persent van die Rotterdamse maatskappye meer as vyftig persent van alle werkgeleenthede.

Rotterdam se ekonomie baseer daarnaas op bedrywe waar die werkgeleenthede net soos in ander nywerheidslande verminder word - vervoer, logistiek en verwerkende nywerhede. Die opbrengs per werknemer is met €67 000 per jaar merkbaar hoër as die nasionale gemiddeld (€62 000 in Den Haag, €58 000 in Amsterdam), veral danksy die kapitaalintensiewe petrochemiese bedryf in die hawegebied.[2]

Hawe[wysig]

Die Rotterdamse World Port Center
Houerskip in Amazonehaven

Die Rotterdamse hawe, wat oor 'n afstand van veertig kilometer strek en 'n oppervlakte van 10 500 hektaar het, is een van die grootstes ter wêreld en verreweg die grootste in Europa. In 2006 het dit 378,4 miljoen ton se goedere gehanteer (2009: 385 miljoen ton)[3] en was sodoende die derde belangrikste hawe na Sjanghai, VR van Sjina (537 miljoen ton) en Singapoer (448,5 miljoen ton). Die naas-grootste Europese hawens was in daardie jaar Antwerpen, België (167,4 miljoen ton) en Hamburg, Duitsland (135,3 miljoen ton).[4] Die hawe en hawe-gebaseerde ondernemings dra sowat sewe persent tot die Nederlandse bruto geografiese produk by en bied sowat 320 000 werksgeleenthede, waarvan 60 000 in die hawe self.[5]

In 2000 was sowat die helfte van alle gehanteerde goedere sogenaamde "vogtige massagoedere" (waarvan sowat 80 persent ruolie, daarnaas chemikalieë, maar ook olies, vette en vrugtesap), 30 persent "droë massagoedere" en 20 persent houers.[6]

Die Rotterdamhawe is verreweg die grootste handelsplek vir ruolie in Europa. Hier is in 2004 altesaam 101 miljoen ton olie ingevoer, waarvan die helfte via pyplyne na die Duitse Ruhrgebied en na Antwerpen vervoer is. Die ander helfte is in die hawegebied verwerk. Vier raffinaderye, wat dikwels in besit van meerdere ondernemings is, is in die hawe gesetel - naas veertig ander maatskappye uit die olie- en chemiese bedryf, vier gasprodusente en dertien ondernemings wat hulle op die stoor van olie en sy verspreiding toegespits het. 'n Aantal pyplyne loop vanuit die hawe na Duitsland en België, en produktepyplyn via die Ruhrgebied tot by die Rynhawe Ludwigshafen in Duitsland. Die hawegebied beskik oor interne pyplyne met 'n totale lengte van 1 500 kilometer.[7]

Rotterdam se hawe hanteer daarnaas 'n groot persentasie van die Europese steenkoolinvoere. 102 houerkrane het in 2005 9 286 757 TEU ("Twenty-foot Equivalent Unit") se houers ontlaai - Rotterdam was sodoende nog voor Hamburg Europa se grootste houerhawe. Dit is ook Europa se voorste invoerhawe vir vrugte, groente en vrugtesap. In 2000 is 900 000 ton groente en vrugte gehanteer, en ook die Europese Sitrusvrugte-beurs is in Rotterdam gesetel.

Sien ook[wysig]

Verwysings[wysig]

  1. cos.rotterdam.nl: COS Bevolkingsmonitor
  2. Leo van den Berg: European Cities in the Knowledge Economy. Ashgate Publishing 2005, bl. 265
  3. Port of Rotterdam - Persverklarings
  4. ISL Shipping Statistics Yearbook 2007
  5. mainportdelta.org: Rotterdam
  6. Ans Kolk und Mark van der Veen: Dilemmas of Balancing Organizational and Public Interests: How Environment Affects Strategy in Dutch Main Ports. In: European Management Journal Vol. 20, No. 1 bl. 45-54 2002
  7. Port of Rotterdam: Petro Chemical Cluster

Eksterne skakels[wysig]

Commons-logo.svg
Wikimedia Commons het meer media verwant aan:
Rotterdam (kategorie)