Patriarg Tichon van Moskou: Verskil tussen weergawes

in Wikipedia, die vrye ensiklopedie
Content deleted Content added
ZéroBot (besprekings | bydraes)
k r2.7.1) (robot Bygevoeg: sr:Патријарх Тихон
k iw sr
Lyn 43: Lyn 43:
[[pl:Tichon (patriarcha Moskwy)]]
[[pl:Tichon (patriarcha Moskwy)]]
[[ru:Тихон (Патриарх Московский)]]
[[ru:Тихон (Патриарх Московский)]]
[[sr:Патријарх Тихон]]
[[sr:Патријарх московски Тихон]]
[[uk:Тихон (патріарх Московський)]]
[[uk:Тихон (патріарх Московський)]]
[[zh:吉洪 (莫斯科牧首)]]
[[zh:吉洪 (莫斯科牧首)]]

Wysiging soos op 18:14, 14 Desember 2012

Patriarg Tichon

Sint Tichon (Russies: Тихон; 31 Januarie (ou styl 19 Januarie) 1865 – 7 April 1925) was van 1917 tot 1925 tydens die vroeë jare van die Sowjetunie die elfde Russies-Ortodokse patriarg van Moskou en die hele Rusland. Hy is op 31 Januarie 1865 in Toropets gebore as Wasili Iwanowitsj Bellawin (Василий Иванович Беллавин).

Vroeë lewe

Van 1878 tot 1883 het Bellawin aan die Pskof-kweekskool studeer en in 1888, op 23-jarige ouderdom, as ’n niegeestelike aan die teologiese akademie in Sint Petersburg gegradueer. Hy het na Pskof teruggekeer en ’n instrukteur in morele en dogmatiese teologie aan die kweekskool geword. In 1891 het hy op 26 jaar sy kloostergelofte afgelê en die naam Tichon gekry. Hy was daarna biskop van Lublin en daarna Alaska, wat toe nog deel van Rusland was. Terwyl hy in Noord-Amerika gewoon het, het hy ’n Amerikaanse burger geword.

Hy het in 1907 na Rusland teruggekeer en is aangestel as biskop van Jaroslawl. Ná ’n draai in Vilnius, Litaue, is hy op 21 Junie 1917 verkies tot biskop van Moskou. Hy het op 15 Augustus van dié jaar aartsbiskop geword en op 5 November patriarg.

Patriargaat

Gedenkplaat vir Sint Tichon in Vilnius, Litaue.

Tydens die Russiese Burgeroorlog ná die 1917-rewolusie is die patriarg as anti-Bolsjewisties beskou en die nuwe regering het baie lede van die Russies-Ortodokse Kerk in hegtenis geneem of tereggestel. Tichon was openlik gekant teen die teregstelling van tsaar Nikolaas II en sy gesin in 1918 en het beswaar aangeteken teen die Kommuniste se aanvalle op die Ortodokse Kerk en die nasionalisering van kerkeiendom.

Tydens die hongersnood in 1922 is die patriarg daarvan aangekla dat hy ’n saboteur is en hy is van April 1922 tot Junie 1923 in die Donskoi-klooster aangehou. Onder druk van die staat het hy verskeie boodskappe gestuur waarin hy onder andere sê dat hy "nie meer ’n vyand van die Sowjet-mag is nie". Desondanks het die Oosters-Ortodokse Kerk Tichon bly steun.

In 1923 is Tichon afgesit deur ’n Sowjet-geborgde raad van die sogenaamde "Lewende Kerk". Daar is onder meer besluit hy sou voortaan net ’n gewone burger – Wasili Bellawin – wees. Sy afsetting is nooit deur die Russies-Ortodokse Kerk erken nie en word daarom as ongeldig beskou deur die Kerk sowel as die Russiese Federasie.

In 1924 het die patriarg siek geword en op 25 Maart (ou styl)/7 April 1925 is hy oorlede. Hy is in 1981 deur die biskoppe-sinode van die oorsese Russiese kerk as heilige verklaar en in 1989 deur die Moskouse patriargaat.

Feesdae: 7 April (ou styl 25 Maart) – afsterwe; 9 Oktober (ou styl 26 September) – heiligverklaring

Hierdie artikel is vertaal vanuit die Engelse Wikipedia

Eksterne skakels

Sjabloon:Link FA