Wêreldgesondheidsorganisasie: Verskil tussen weergawes
Xqbot (besprekings | bydraes) k r2.7.3) (Robot: verander la:Consociatio Mundialis Sanitatis na la:Ordo mundi sanitarius |
k r2.6.5) (robot Bygevoeg: ka:ჯანდაცვის მსოფლიო ორგანიზაცია |
||
Lyn 88: | Lyn 88: | ||
[[ja:世界保健機関]] |
[[ja:世界保健機関]] |
||
[[jv:WHO]] |
[[jv:WHO]] |
||
[[ka:ჯანდაცვის მსოფლიო ორგანიზაცია]] |
|||
[[ki:WHO]] |
[[ki:WHO]] |
||
[[kk:Дүниежүзілік денсаулық сақтау ұйымы]] |
[[kk:Дүниежүзілік денсаулық сақтау ұйымы]] |
Wysiging soos op 21:38, 4 Maart 2013
Die Wêreldgesondheidsorganisasie is 'n agentskap van die Verenigde Nasies met sy hoofkwartier in Genève, Switserland. Sy doel is om as koördineerder op te tree ter bevordering van internasionale openbare gesondheid. Die WGO (Engels: WHO - World Health Organisation) het op 7 April 1948 totstand gekom (7 April word ook as internasionale Wêreldgesondheidsdag gevier). Die WGO het tans 192 lidlande.
Organe, personeel en begroting
Die WGO se organe is die jaarlikse Wêreldgesondheidsvergadering, die Uitvoerende Raad met 34 lede en die Sekretariaat met die Direkteur-Generaal (tans Margaret Chan uit Hong Kong) en nege uitvoerende direkteure. Die WGO beskik daarnaas oor ses streekkantore.
Die WGO het tans 4 000 medewerkers, waarvan 1 500 in sy hoofkwartier werk. Die jaarlikse begroting het in die 2006/07 fiskale jaar 3,313 miljard VSA-$ beloop, waarvan 924 miljoen $ in die reëlmatige begroting (ledegelde van lidlande) en 2,398 miljard $ se vrywillige bydraes.[1]
Streekkantore
Die WGO se streekkantore het hulle setels in die volgende stede:
- Brazzaville (Afrika)
- Washington, D.C. (Amerika)
- Nieu-Delhi (Suidoos-Asië)
- Kopenhagen (Europa)
- Kaïro (Oostelike Middellandse See)
- Manila (Westelike Stille Oseaan)
Die WGO strewe daarna om in steeds meer lidlande verteenwoordig te wees. Die WGO se lopende programme word deur sowat 200 koöperatiewe sentrums en navorsingsinstellings ondersteun.
Hooftake
Die WGO is teen die einde van die 1990's in organisatoriese opsig herstruktureer en konsentreer nou op 'n aantal hooftake soos
- die wêreldwye dokumentasie en inligting oor aansteeklike siektes, hulle oorsake en gepaardgaande sterfgevalle.
- die ondersteuning van Derde-Wêreldlande by die daarstelling van gesondheidsdienste, veral die handhawing en verbetering van gesondheid deur middel van goeie voeding, toegang tot drinkwater en voorsiening van benodigde artsenymiddels,
- die bevordering van mediese navorsing en
- die bestryding van Vigs.
Die klassifikasie van siektes en mediese diagnoses (International Classification of Diseases of ICD-10-kodering), gesondheidsregulasies (International Health Regulations, IHR), van geneesmiddels (Anatomical Therapeutic Chemical, ATC-kodering) asook fisiese gestremdhede (International Classification of Functioning, Disability and Health, ICF) val ook onder die WGO se beheer.
Verwysings
- ↑ Der Fischer Weltalmanach 2007. Frankfurt am Main: Fischer Taschenbuch Verlag 2006, bl. 600