Karin Hougaard

Karin Hougaard is 'n Afrikaanse sangeres, skrywer, digter en skilder. Sy is reeds op die Afrikaanse musiektoneel vandat sy die ATKV se Crescendo kompetisie as jong 16-jarige student in 1980 gewen het. Ondertussen het sy reeds 7 CD's vrygestel en 'n verskeidenheid pryse losgeslaan met haar musiek en verhoogwerk.

Die afgelope paar jaar het sy haar veral toegespits op musiekteater en haar assosiasie met die Nederlandse kunstenaar Herman van Veen het veral opwindende werk opgelewer. The First Lady, 'n teaterstuk oor die lewe van Jackie Kennedy, Karin Hougaard Sings Queen en Mati Hari, 'n toneelstuk oor die Nederlandse spioen. Haar DVD Hartstukke verskyn in November 2008. Ook in 2008 verskyn haar eerste woordbundel getiteld "Woorde sonder Wysies" asook 'n kortverhaal in die publikasie "Amfiteater". Sy debuteer ook as skilder met haar eerste eenvrou kunsuitstalling "Solo". In 2009 tree sy in ondermeer Belgie en Nederland op met die teaterstuk "Margot".

Albums

Karin Hougaard se albums sluit in:

• Eerste Afspraak - 1983
• Herontmoeting - 1987
• Hoogtepunte - versamelalbum
• Bly - 1993
• Muse - 1998
• Metamorph - 1999
• Hartstukke - 2006
• Omnibus - 2007

HARTSTUKKE DVD - November 2008

Sien ook

• Lys van Suid-Afrikaanse musikale kunstenaars

Eksterne skakels

• Karin Hougaard - amptelike tuisblad