Glansibis

Glansibis
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Aves
Orde:	Ciconiiformes
Familie:	Threskiornithidae
Genus:	Plegadis
Spesie:	P. falcinellus
Binomiale naam
Plegadis falcinellus Linnaeus, 1766

Die Glansibis, Plegadis falcinellus, is 'n voël in die ibis-familie, Threskiornithidae. Daar word geglo dat die glansibis oorspronklik uit die Ou Wêreld kom en deur natuurlike verspreiding na Afrika en die Noordelike dele van Suid-Amerika versprei het tydens die 19de eeu.

Identifikasie

Die glansibis is 'n groot voël met 'n lengte van 55 - 65 cm en 'n 88 - 105 cm vlerkspan. Parende volwassenes het rooibruin tot pers liggame en glansende bottelgroen vlerke. Nie-parende voëls en onvolwassenes het ietwat dowwer liggame. Die spesie het 'n donker bek, asook 'n donker gesisgvel wat bo en onder begrens word deur 'n blou-groen kleur in nie-parende voëls en 'n kobaltblou kleur in parende voëls. Glansibisse het rooibruin bene. Ibisse vlieg met uitgestrekke nekke (anders as reiers) en swerms vlieg gereëld in reguit lyne.

Habitat

Die glansibisse bou hulle neste in bome en woon in kolonies, ook saam met reiers. Die voëls verkies bome naby damme, vlei-gebiede en moerasagtige areas.olonially in trees, often with herons. It is also gregarious when feeding in marshy wetlands; Damme, vlei-gebied en moerasagtige areas.

Voeding

'n Volwasse glansibis

Die glansibis is 'n karnivoor en jag visse, paddas en ander waterskepsels en sal ook nou en dan insekte eet.

Verspreiding

Die glansibis is die mees-verspreide van die ibis-spesies. Die voëls paar in 'n verskeie warm streke van Europa, Asië, Afrika, Australië en aan die kusgebiede naas die Atlantiese oseaan asook in die omgewing van die Karribiese eilande en omliggende dele van die Amerikas. Die spesie migreer met die seisoene: die meeste Europese voëls spandeer die winter in Afrika. In Noord-Amerika spandeer voëls Noord van Noord-Carolina die winter meer Suid.

Geluid

Die glansibis is 'n redelike stil voël, maar sal maak nou en dan 'n kok-kok-kok geluid, asook 'n grrrr-geluid tydens paring.

Ander name

• Engels: Glossy Ibis
• Duits: Brauner Sichler
• Wetenskaplike naam: Plegadis falcinellus

Sien ook

• Alfabetiese lys van Suid-Afrikaanse voëls
• Klasifikasie-indeks van Suid-Afrikaanse voëls
• Wetenskaplike naam-indeks van Suid-Afrikaanse voëls

Bronnelys

• Roberts' Birds of Southern Africa, Sesde uitgawe, ISBN 0620175834
• Handbook of the Birds of Europe, the Middle East, and North Africa: The Birds of the Western Palearctic.
• Field Guide to the Birds of North America, 4th Edition.