Kurt Christoph graaf van Schwerin
Kurt Christoph Graf von Schwerin | |
|---|---|
 Kurt Christoph graaf van Schwerin | |
| Gebore | 26 Oktober 1684 Löwitz, Sweedse Pommere |
| Sterf | 6 Mei 1757 (op 72) |
| Nasionaliteit | Duits |
Kurt Christoph, Graaf van Schwerin (26 Oktober 1684 – 6 Mei 1757) was 'n Pruisiese Generalfeldmarschall, en een van die voorste kommandeurs onder Frederik die Grote.
Biografie[wysig | wysig bron]
Hy is gebore in Löwitz, Pommere, en betree op 'n vroeë ouderdom die Nederlandse leër, waarin hy diens gedoen het by die Slag van Schellenberg en die Slag van Blenheim. In 1707 word hy 'n luitenant-kolonel in die leër van die hertog van Mecklenburg-Schwerin, en is hy teenwoordig by die Slag van Ramillies en Slag van Malplaquet. Hy is ook teenwoordig saam met die Sweedse aanvoerder Magnus Stenbock tydens die Slag van Gadebusch. In 1713 is hy saam met Karel XII van Swede tydens sy gevangenskap in Bender, Moldawië, en in 1718 word hy 'n generaal-majoor.
In 1719 staan hy die Lëer van Hannover teë wat Mecklenburg binneval (in die loop daarvan voer hy op 6 Maart 1719 'n briljante operasie uit by Walsmühlen), en die volgende jaar tree hy in diens van die koning van Pruise. Aanvanklik was hy werksaam by diplomatieke sendings, maar in Januarie 1722 - 1723 het hy die bevel van 'n infanterieregiment gekry. In 1730 is hy as generaal-majoor 'n lid van die militêre krygsraad wat kroonprins Frederik verhoor vir drostery, en in 1733, aan die hoof van 'n Pruisiese leër, pak hy met groot vaardigheid die moeilike taak aan om die Mecklenburgse kwessie op te los.
In die volgende jaar word hy luitenant-generaal en in 1739 generaal van die infanterie. Gedurende die lewensduur van Frederik Willem I van Pruise was Schwerin ook in baie administratiewe take werksaam. Met sy troonbestyging bevorder Frederik die Grote vir Schwerin tot algemene veldmaarskalk en maak hom ook 'n graaf. In die vroeë stadiums van die Eerste Silesiese Oorlog regverdig hy die keuse van sy soewerein deur briljante leierskap te toon tydens die Slag van Mollwitz (10 April 1741) wat, toe hy die koning oorreed om die slagveld te verlaat en verduidelik dat hy gevange geneem kan word aangesien 'n nederlaag waarskynlik is, [1], 'n twyfelagtige stryd omskep in 'n oorwinning wat voorlopig die lot van Silesië bepaal.
Na die einde van die oorlog was hy goewerneur van die belangrike vestings van Brieg en Neisse. Tydens die Tweede Silesiese Oorlog (1744–1745) voer Schwerin die leër aan wat van Glatz optrek en die leër van die konings onder die mure van Praag ontmoet. Hy speel 'n leidende rol in die beleg en verowering van daardie plek (10 September 1744).
'n Ruk daarna, toe die koning gedwing was om terug te trek uit Boheme, onderskei Schwerin hom weer. Hy verskyn weer op die oorlogsveld met die uitbreek van die Derde Silesiese Oorlog (1756) en voer die oorlog aan die Silesiese kant van Boheme tydens die eerste veldtog; in 1757, op dieselfde roete as wat hy in 1744 gevolg het, sluit hy weer aan by Frederik in Praag. Op 6 Mei 1757 volg die Slag van Praag, waartydens hy 'n regiment van die linkervleuel lei en skree: "Laat alle dapper Pruisiese soldate my volg!" waarna hy deur 'n kanonskoot getref en gedood word. [2]
Aandenkings[wysig | wysig bron]
Frederick het 'n standbeeld van Kurt Christoph Graf von Schwerin op die Wilhelmplatz (vandag deel van Wilhelmstraße) opgerig aan sy voorste soldaat, en 'n monument op die veld van Praag herdenk die plek waar hy gevel is. Die 14de (3de Pommere) infanterie van die Duitse leër het sedert 1889 sy naam gedra.
Verwysings[wysig | wysig bron]
Eksterne skakels[wysig | wysig bron]
Wikimedia Commons het meer media in die kategorie Kurt Christoph graaf van Schwerin.
Normdata  |
|
|---|