Spin (fisika)

in Wikipedia, die vrye ensiklopedie

Spin is in deeltjiefisika en kwantummeganika ’n wesentlike vorm van hoekmomentum van elementêre deeltjies, saamgestelde deeltjies (hadrone) en atoomkerns.[1][2] Spin is ’n suiwer kwantummeganiese verskynsel; dit het nie ’n ekwivalent in klassieke meganika nie al herinner die term "spin", wat van Engels af kom, aan verskynsels wat met "tolling" of "draaiing om ’n as" verband hou.[2]

Spin is een van twee soorte hoekmomentum in kwantummeganika – die ander een is "baanhoekmomentum". Laasgenoemde is die kwantummeganiese ekwivalent van die klassieke begrip van hoekmomentum: dit is wanneer ’n deeltjie ’n roterende of draaiende baan volg (soos wanneer ’n elektron om ’n kern draai).[3][4] Die bestaan van ’n spinhoekmomentum is afgelei uit eksperimente waarin deeltjies waargeneem is wat ’n hoekmomentum besit wat nie slegs aan baanhoekmomentum toegeskryf kon word nie.[5]

Sien ook[wysig | wysig bron]

Verwysings[wysig | wysig bron]

Hierdie artikel is vertaal uit die Engelse Wikipedia
  1. Merzbacher, Eugen (1998). Quantum Mechanics (3rd uitg.). pp. 372–3.
  2. 2,0 2,1 Griffiths, David (2005). Introduction to Quantum Mechanics (2nd uitg.). pp. 183–4.
  3. "Angular Momentum Operator Algebra", class notes by Michael Fowler
  4. A modern approach to quantum mechanics, deur Townsend, bl. 31 en bl. 80
  5. Eisberg, Robert; Resnick, Robert (1985). Quantum Physics of Atoms, Molecules, Solids, Nuclei, and Particles (2nd uitg.). pp. 272–3.