Spreewald

Spreewald / Błóta

Historiese kultuurlandskap en
Unesco-biosfeerreservaat

Oppervlakte
500 km²
waarvan biosfeerreservaat: 488 km²

Bevolking

50 000

Die Spreewald (Neder-Sorbies: Błóta, "Moerasland") is 'n uitgestrekte laagland en historiese kultuurlandskap in die suidooste van die Duitse deelstaat Brandenburg, geleë in die administratiewe distrikte Dahme-Spreewald en Oberspreewald-Lausitz, sowat 100 kilometer suidoos van Berlyn. Die Spreewald vorm die noordelikste deel van Neder-Lausitz met Cottbus as die politieke en kulturele sentrum. Sy hoofkenmerk is die natuurlike vertakkings van die Spreerivier wat deur kunsmatige kanale aansienlik uitgebrei is. Die rivier- en moeraslandskap word sedert 1991 as Unesco-biosfeerreservaat beskerm.

Dit was veral die Sorbe, 'n Wes-Slawiese volk, wat hul stempel op die kultuurlandskap Spreewald afgedruk het. Die gebied het lankal tot een van die bekendste en gewildste toeristebestemmings in Brandenburg ontwikkel.

Soortgelyke landskappe in Europa

Marais Poitevin in die Franse geweste Nieu-Akwitanië en Pays de la Loire

Eksterne skakels

Wikimedia Commons het meer media in die kategorie Spreewald.

51°54′50″N 13°55′35″O / 51.91389°N 13.92639°O / 51.91389; 13.92639