Spritz

in Wikipedia, die vrye ensiklopedie
Spritz in Venesië met Aperol (links) en Campari (regs)

Spritz (in Venesiaans ook spriss of spris genoem) is ’n Italiaanse alkoholiese drankie wat as aptytwekker bedien word en veral in die noordooste van die land gewild is. Dit word berei van prosecco, ’n bitter likeur soos Aperol (op basis van suurlemoene), Campari (kruie), Cynar (artisjokke) of Martini en sprankelwater.[1] Dikwels word ’n lemoen- of suurlemoenskil en ysblokkies bygevoeg.

Spritz het in die 19de eeu gedurende die Oostenrykse bewind in Venesië ingang gevind tot Venesiaanse kroeë en het sy etimologiese oorsprong in die Oostenryks-Duitse term Gespritzter wat na wyn of vonkelwyn met sprankelwater verwys.

Die International Bartenders Association (IBA) het die drankie in 2011 amptelik as skemerkelkie gelys onder die naam spritz veneziano.

Verwysings[wysig | wysig bron]

  1. "Italian Buddy, 1 Julie 2015: A Venice Icon: everything you need to know about Spritz. Besoek op 28 Mei 2019". Geargiveer vanaf die oorspronklike op 5 Julie 2019. Besoek op 28 Mei 2019.

Eksterne skakels[wysig | wysig bron]

Media