Starlink

in Wikipedia, die vrye ensiklopedie
Jump to navigation Jump to search
Logo.

Starlink is ’n satellietnetwerk wat deur die Amerikaanse maatskappy SpaceX gebou word[1][2] om internettoegang te verskaf.[3][4] Die netwerk sal uit duisende klein satelliete bestaan wat saam met ontvangers op die grond sal werk. SpaceX beplan ook om van die satelliete vir militêre,[5] wetenskaplike of verkenningsdoeleindes te verkoop.[6]

Teen November 2019 het SpaceX 122 satelliete ontplooi. Hulle beplan om nog 60 per lansering te ontplooi, teen ’n tempo van ’n lansering elke twee weke vanaf November. Teen die middel 2020's sal byna 12 000 satelliete ontplooi wees, en dit kan later dalk tot 42 000 vermeerder word.[7] Die aanvanklike 12 000 satelliete sal op drie hoogtes om die Aarde wentel: 1 600 op 550 km, nog sowat 2 800 op 1 150 km en sowat 7 500 op 340 km.[8] Kommersiële gebruik kan in 2020 begin.[9]

Kommer is al uitgespreek oor die langtermyngevaar van ruimterommel as gevolg van die plasing van duisende satelliete in wentelbane bo 1 000 km[10] en ’n moontlike impak op sterrekunde.[11]

Die totale koste van die dekade lange projek om die netwerk te ontwerp, bou en ontplooi is in Mei 2018 deur SpaceX op $10 miljard geraam.[12] Die ontwikkeling van die projek het in 2015 begin, met die twee eerste prototipe-toetssatelliete wat in Februarie 2018 gelanseer is. Die ontplooiing van ’n tweede stel toetssatelliete en die eerste ontplooiing van ’n deel van die netwerk het op 24 Mei 2019 plaasgevind toe die eerste 60 operasionele satelliete gelanseer is.[1][13]

Fases[wysig | wysig bron]

Sestig Starlink-toetssatelliete net voor hulle in Mei 2019 gelanseer is.
Fase Wentelbaan (km) Getal satelliete Helling (grade) Tyd van voltooiing
1
550 1 584 53 Maart 2027
1 110 1 600 53,8
1 130 400 74
1 275 375 81
1 325 450 70
2
335,9 2 493 42 November 2027
340,8 2 478 48
345,6 2 547 53

Verwysings[wysig | wysig bron]

  1. 1,0 1,1 Hall, Shannon (1 Junie 2019). "After SpaceX Starlink Launch, a Fear of Satellites That Outnumber All Visible Stars - Images of the Starlink constellation in orbit have rattled astronomers around the world". The New York Times. Besoek op 1 Junie 2019.
  2. Grush, Loren (15 Februarie 2018). "SpaceX is about to launch two of its space Internet satellites — the first of nearly 12,000". The Verge. Besoek op 16 Februarie 2018.
  3. de Selding, Peter B. (2016-10-05). "SpaceX's Shotwell on Falcon 9 inquiry, discounts for reused rockets and Silicon Valley's test-and-fail ethos". SpaceNews. Besoek op 2016-10-08.
  4. Gates, Dominic (16 Januarie 2015). "Elon Musk touts launch of 'SpaceX Seattle'". Seattle Times. Besoek op 19 Januarie 2015.
  5. Ralph, Eric (21 Desember 2018). "SpaceX's Starlink eyed by US military as co. raises $500-750M for development". Teslarati. Besoek op 23 Mei 2019.
  6. SpaceX Seattle 2015, 16 Januarie 2015.
  7. "SpaceX submits paperwork for 30,000 more Starlink satellites". 15 Oktober 2019.
  8. Henry, Caleb (26 April 2019). "FCC OKs lower orbit for some Starlink satellites". SpaceNews. Besoek op 28 April 2019.
  9. "Musk shakes up SpaceX in race to make satellite launch window: sources". Reuters. 30 Oktober 2018. Besoek op 31 Oktober 2018.
  10. Foust, Jeff. "Starlink failures highlight space sustainability concerns". Space News. Besoek op 18 September 2019.
  11. "IAU's statement on satellite constellations". International Astronomical Union. Besoek op 3 Junie 2019.
  12. Baylor, Michael (2018-05-17). "With Block 5, SpaceX to increase launch cadence and lower prices". NASASpaceFlight.com. Besoek op 2018-05-22.
  13. "SpaceX's 60-Satellite Launch Is Just the Beginning for Starlink Megaconstellation Project". 24 Mei 2019. Besoek op 24 Mei 2019.

Eksterne skakels[wysig | wysig bron]