Sten

in Wikipedia, die vrye ensiklopedie
Jump to navigation Jump to search
STEN Masjiengeweer

Die STEN (ook Sten-masjiengeweer) is 'n familie van Britse masjiengewere wat 9×19mm parabellumkaliber-ammunisie gebruik. Die masjiengeweer is grotendeels deur die Statebondlande tydens die Tweede Wêreldoorlog en Koreaanse oorlog gebruik. Die wapen het 'n eenvoudige ontwerp gehad en was goedkoop om te vervaardig wat dit 'n effektiewe wapen gemaak het vir gebruik deur insurgensie- en weerstandsgroepe. Die wapen word steeds gebruik deur informele militêre magte. Die STEN het as basis gedien vir die Sterling-masjiengeweer, wat dit vervang het in die Britse Magte in die 1980's. Later is ál die masjiengewere vervang deur die SA80.

Die STEN se vuursiklus is verstelbaar en die terugslag vind outomaties plaas. Die magasyn knip aan die linkerkant van die masjiengeweer vas, en nie onder soos die normale konfigurasie is nie. STEN is 'n akroniem wat saamgestel is van die wapen se hoofontwerpers, majoor Reginald V. Shepherd en Harold Turpin, en EN vir die Enfield-fabriek. [1][2]

Daar is meer as viermiljoen STEN's vervaardig in al die verskillende weergawes gedurende die 1940's; dit is die tweede grootste produksieloop van alle masjiengewere vervaardig tydens die Tweede Wêreldoorlog na die Sowjetunie se PPSh-41.

Verwysings[wysig | wysig bron]

  1. http://www.model-engineer.co.uk/sites/7/images/member_albums/77123/585369.jpg : Model Engineer Volume 88 Issue 2195 P.509 The STEN Carbine, A Description
  2. Nie alle bronne stem saam nie. Kolonel Shepherd, tydens die ontvangs van 'n toekenning, van die Board of the Royal Commission Awards to Inventors se verduideliking was as volg: Graaf Cohen: "Hoekom was dit die Sten genoem?" Kolonel Shepard: "Dit was die Sten genoem deur die toe Direkteur Generaal van Artillerie. Die S was van my naam, die T van Mr. Turpin wat my tekenaar was en 'n groot gedeelte van die ontwerp gedoen het, en die EN was vir Engeland. Dit is die oorsprong van die naam, waarvoor ek geen verantwoordelikheid neem nie." In: Laidler, Peter (2000). The Sten Machine Gun. Ontario: Collector Grade Publications. pp. 363–364. ISBN 978-0-88935-259-9. In the official history of the Royal Ordnance Factories, ST is for Shepard and Turpin and EN is for Enfield. In: Ian Hay (Maj.-Gen. John Hay Beith, CBE, MC) (1949). R.O.F. The Story of the Royal Ordnance Factories, 1939–1948. London: His Majesty's Stationery Office. Sommige bronne gee J.J.Turpin eerder as Harold