Ster van Suid-Afrika

in Wikipedia, die vrye ensiklopedie
Spring na: navigasie, soek

Die Ster van Suid-Afrika is die eerste groot diamant wat 'n internasionale diamantstormloop na Suid-Afrika ontketen het. Die wit diamant het 83.5 karaat geweeg. Die diamant is in Maart 1869 op die plaas Sandfontein by die Oranjerivier deur 'n Griekwa met die naam van Swartbooi opgetel. Die diamant is deur 'n familielid van Swartbooi aan Schalk van Niekerk aangebied. Hy het dit onmiddellik as 'n diamant herken. Hy bied al sy lewende hawe aan as betaling, naamlik 500 skape, 10 beeste en een perd. Hy verkoop die diamant aan die firma Lilienfeld Brothers op Hopetown vir £11,200. Die firma verkoop weer die diamant aan 'n Londense firma Hunt en Roskeld vir 'n onbekende gedrag. Die diamant word in peervorm geslyp en weeg nou 47.75 karaat. Die Hertog van Dudley koop dit vir £25,000. Op 2 Mei 1974 word die diamant opgeveil vir £552,000 in Geneve.

Trivia[wysig | wysig bron]

Die Cullinan I diamant wat uit die Cullinan-diamant geslyp is staan bekend as die Groot Ster van Afrika.

Bron[wysig | wysig bron]