Sterrestad
Sterrestad Звёздный городок | |
|---|---|
Dorp | |
 | |
 Vlag  Wapen | |
 Die ligging van Moskou-oblast in Rusland | |
  Sterrestad Die ligging van Sterrestad in Moskou-oblast | |
| Koördinate: 55°53′0″N 38°06′0″O / 55.88333°N 38.10000°O | |
| Land |  Rusland |
| Deelgebied | Moskou-oblast |
| Regering | |
| • Tipe | Stad-okroeg |
| • Burgemeester | Waleri Tokaref |
| Bevolking | |
| • Totaal | 6 023 |
| Tydsone | UTC+04:00 (MSK) |
| Poskode | 141160 |
Sterrestad of Sterstad (Russies: Звёздный городок) is 'n kunsmatige stad in Rusland, noordoos van Moskou, waar ruimtevaarders in die Joeri Gagarin-ruimtevaartopleidingsentrum (GCTC) deur middel van realistiese simulasies van byvoorbeeld nul-swaartekrag praktiese opleiding vir hulle ruimtesendings kry.
Teen 1960 het die Sowjetunie planne beraam om mense die ruimte in te stuur, en het die behoefte aan 'n opleidingsentrum vir toekomstige ruimtevaarders ontstaan. Sterrestad is gestig as woonplek vir ruimtevaarders en hulle gesinne en vir werknemers wat die opleidingsgeriewe in stand hou en hulle families. Die gesinne van ruimtevaarders bly in Sterrestad selfs al het die ruimtevaarder intussen afgetree of verongeluk. In die Sowjettyd was Sterrestad 'n uiters geheime lugmagbasis, wat op geen enkele kaart aangedui is nie.
Sterrestad het tans alle nodige geriewe, onder meer 'n eie poskantoor, 'n winkel vir daaglikse kruideniersware en 'n museum wat aan ruimtevaart gewy is. In die museum is onder meer die diplomas van Joeri Gagarin en verskillende toekennings wat hy ontvang het, te sien. Die dorp het 6 023 inwoners (2013).
Eksterne skakels
[wysig | wysig bron]
Wikimedia Commons het meer media in die kategorie Sterrestad.
| Hierdie artikel is in sy geheel of gedeeltelik vanuit die Nederlandse Wikipedia vertaal. |
