Stevenage

in Wikipedia, die vrye ensiklopedie
Jump to navigation Jump to search
Stevenage
Town & borough
Die middestad van Stevenage
Die middestad van Stevenage
Stevenage is in Engeland
Stevenage
Stevenage
Koördinate: 51°54′00″N 0°12′00″W / 51.90000°N 0.20000°W / 51.90000; -0.20000
LandVlag van Verenigde Koninkryk Verenigde Koninkryk
LandEngeland
StreekOos-Engeland
GraafskapHertfordshire
Regering
 • BurgemeesterSandra Barr
Oppervlak
 • Totaal25,96 km2 (10,02 vk. myl)
Bevolking
 • Totaal87 845
 • Digtheid3 081/km2 (7 980/vk. myl)
TydsoneUTC+00:00 (MGT)
 • SomertydUTC+01:00 (BST)
Poskode
SG
Skakelkodes01438
Webwerfstevenage.gov.uk

Stevenage [ˈstiːvənɨdʒ] is 'n borough (distrik) en nedersetting in die administratiewe en historiese Engelse graafskap Hertfordshire. Dit was die eerste van altesaam 21 nedersettings in Engeland wat ná die Tweede Wêreldoorlog volgens die New Towns Act (Wet op Nuwe Dorpe van 1946) nuut aangelê of uitgebrei is om die knellende behuisingsnood te verlig. Stevenage het 'n oppervlakte van 25,96 km², met 'n bevolking wat teen die middel van 2020 op sowat 88 000 beraam is.

Geskiedenis[wysig | wysig bron]

Stevenage is in die noordelike periferie van die metropolitaanse gebied van Londen langs een van Engeland se hoofpaaie, die Great North Road, en sowat 50 km noord van Sentraal-Londen geleë. Die oorspronklike historiese nedersetting, met sy ou gashuise, wat as oornagplekke vir koetspassasiers gedien het, sy 12de eeuse kerk, 16de eeuse skool en historiese markplein, waar markte vanaf 1281 volgens 'n koninklike oktrooi gehou is, vorm tans een van Stevenage se buurte en kontrasteer met die na-oorlogse Nuwe Stad wat deur stadsbeplanners ontwikkel is om hoofstadbewoners te hervestig. Hier is Stevenage se grootste winkelsentrum met voetgangerslane en moderne nywerhede langs die A1-snelweg gesetel waar hoofsaaklik elektroniese toerusting vervaardig word.

Stevenage New Town[wysig | wysig bron]

Stadige groei in Stevenage het voortgeduur tot net na die Tweede Wêreldoorlog, toe die Abercrombie-plan die vestiging van 'n ring van nuwe dorpe rondom Londen voorgestel het. Op 1 Augustus 1946 is Stevenage ingevolge die Wet op Nuwe Dorpe aangewys as die eerste Nuwe Dorp.[1]

Die plan was nie gewild nie en plaaslike mense het betoog tydens 'n vergadering wat in die stadsaal gehou is voor Lewis Silkin, minister in die Arbeidsregering van Clement Attlee. Ten spyte van die vyandige reaksie teen Silkin en 'n referendum wat 52% (opkoms 2 500) 'heeltemal teen' die uitbreiding getoon het, het die plan voortgegaan. Die eerste betekenisvolle gebou wat gesloop is om plek te maak vir 'n draaistelsel was die Ou Stadsaal, waarin die teenkanting uitgespreek is, in 1974.

Hierna het die bevolking ontplof. Teen die begin van die 21ste eeu het die 2001-bevolking gegroei tot 79 715 wat 'n dekade later (2011) 83 957 bereik het. Teen 2016 is die bevolking op 87 100 geskat.

Nywerheidsgebied[wysig | wysig bron]

Aangrensend, maar tog apart van die woondorp, is die nywerheidsgebied. Vir baie jare was British Aerospace (nou MBDA) die grootste werkgewer in die dorp, maar nou het GlaxoSmithKline 'n groot farmaseutiese navorsingslaboratoriumkompleks (onder inwoners bekend as 'The Palace') hier opgerig.[2] 'n Kleiner maar interessante onderneming is Astrium, wat vir 'n paar dekades ruimtetuie vervaardig het, beide as hoofkontrakteur en as toerustingverskaffer.

Daar is ook baie klein- tot mediumgrootte ondernemings. Stevenage BioScience Catalyst, 'n nuwe wetenskappark wat daarop gemik is om klein en nuwe lewenswetenskappe-ondernemings te lok, het in 2011 op 'n perseel langs GSK geopen.[3]

Galery[wysig | wysig bron]

Verwysings[wysig | wysig bron]

  1. Halford, Jodie (11 November 2016). "The town that aimed for Utopia" – via www.bbc.co.uk.
  2. "Peter's weather website". Geargiveer vanaf die oorspronklike op 25 April 2012. Besoek op 20 November 2011.
  3. "Minister performs topping out ceremony". 14 Julie 2011. Besoek op 20 November 2011.