Suid-Afrikaanse Nasionale Biodiversiteitsinstituut

in Wikipedia, die vrye ensiklopedie
Jump to navigation Jump to search
Suid-Afrikaanse Nasionale Biodiversiteitsinstituut
Agentskap oorsig
Stigting 1 September 2004
Vooraf Agentskap Nasionale Botaniese Instituut
Hoofkantoor Silverton, Pretoria
Agentskap bestuurder Moshibudi Rampedi, Hoof Uitvoerendebeampte[1]
Toesighoudende departement Departement van Omgewingsake
Amptelike Webtuiste
www.sanbi.org

Die Suid-Afrikaanse Nasionale Biodiversiteitsinstituut (SANBI) is 'n organisasie onder die Suid-Afrikaanse Departement van Omgewingsake, met die verpligting om inligting oor biodiversiteit navorsing te bekom en te versprei. Deel van die verantwoordlikhede van die SANBI sluit in die bestuur van tuine en betrokkenheid by ekosisteemherstel- en rehabilitasieprogramme.[2]

Geskiedenis[wysig | wysig bron]

Een van die voorgangers van SANBI, die Botaniese Navorsingsinstituut (BI) is in die vroeë 20ste eeu gestig om die Suid-Afrikaanse flora te studeer en te bewaar. In 1989 is die Nasionale Botaniese Instituut (NBI) gevorm uit die Nasionale Botaniese Tuine en die Botaniese Navorsingsinstituut.

SANBI is op 1 September 2004 ingestel ingevolge die Nasionale Omgewingsbestuur: Wet op Biodiversiteit, nr 10 van 2004.[2] Die wet het die mandaat van NBI uitgebrei in SANBI deur die volle diversiteit van die Suid-Afrikaanse ekosisteme in te sluit. SANBI het sy hoofkantoor in Silverton, Pretoria; 'n kantoor in Kirstenbosch in Kaapstad; en tuine en navorsingsentrums regdeur Suid-Afrika.[3][4]

Funksie en dienste[wysig | wysig bron]

SANBI-se funksies sluit in die verskaffing van inligting; die gee van beleidsondersteuning en advies; die bestuur van botaniese tuine vir navorsing, opvoeding en openbare genot; asook deelname aan herstelwerk en rehabilitasieprogramme vir ekosisteme en die verskaffing van beste praktykmodelle om biodiversiteit beter te bestuur.[2]

Kernaktiwiteite sluit in navorsing oor bewaring en volhoubare gebruik, tuinontwikkeling en tuinbou, opleiding en voorsiening van biodiversiteitsinligtingstelsels, ekosisteemrehabilitasie en ontwikkeling van biostreekbeplanningsprogramme en -beleid. SANBI is ook betrokke by die implementering van 'n aantal gesamentlike programme wat fokus op die rehabilitasie van ekosisteme met die sekondêre doel die uitwissing van armoede deur die skep van volhoubare werksgeleenthede.[2]

Navorsing[wysig | wysig bron]

'n Sentrale komponent van SANBI se agenda is navorsing en sluit klimaatsverandering en bio-aanpassing in. Die doel is om klimaatsverandering-besluitneming en -ontwikkeling te verbeter deur toegang tot toepaslike wetenskaplike kennis te verbeter. SANBI dra ook by aan programme om deelname aan biodiversiteitswetenskap op skoolvlak aan te moedig en die gehalte van biodiversiteitsonderrig en leer te versterk. Dit sluit in die verhoging van die sigbaarheid en toegang tot inligting oor loopbane in die biodiversiteitsektore.[2]

Bestuur van biodiversiteitsbronne[wysig | wysig bron]

SANBI is wetlik verplig om by te dra tot die bestuur van die land se biodiversiteitsbronne.[2] Die Instituut administreer die Rooi Lys van Suid-Afrikaanse Plante, 'n databasis met beskrywings van die land se inheemse plante en hul nasionale bewaringsstatus.[5]

SANBI is ook deel van die Millennium Saadbankvennootskap, wat daarop gemik is om 2500 van Suid-Afrika se plantspesies te versamel, insluitend 1000 bedruigde spesies voor die van 2020.[6]

Kennis- en inligtingbestuur[wysig | wysig bron]

SANBI voer landwye biodiversiteitsbewaringsevaluasies van verskillende klasse diere, wat gewoonlik velduitstappies vir die insameling van data behels. Belangstellende lede van die publiek kan aan verskeie burgerwetenskapprojekte deelneem.[2]

'n Biodiversiteits-kennis- en inligtingbestuurstelsel word voorsien wat bestaande inligtinghulpbronne integreer vir maklike toegang vir beide interne en eksterne eindgebruikers.[2]

'n Kaart van die plantegroei in Suid-Afrika, Lesotho, Swaziland, en van die Prins Eduard-eilande word deur die Biodiversiteitsnavorsingsassesserings- en moniteringsafdeling van SANBI saamgestel. Dit is beskikbaar op die BGIS webwerf, en as 'n boek, veldatlas, CD-stel of 'n muurkaart.[7]

Verwysings[wysig | wysig bron]

  1. Governance (Engels). SANBI (2019). URL besoek op 13 Junie 2019.
  2. 2,0 2,1 2,2 2,3 2,4 2,5 2,6 2,7 South African National Biodiversity Institute (SANBI) (Engels). Departement van Omgewingsake (2019). URL besoek op 13 Junie 2019.
  3. Contact - SANBI (Engels). SANBI (2019). URL besoek op 13 Junie 2019.
  4. History (Engels). SANBI (2019). URL besoek op 13 Junie 2019.
  5. Threatened Species Programme | SANBI Red List of South African Plants (Engels). South African National Biodiversity Institute (2010). URL besoek op 13 Junie 2019.
  6. Millennium Seed Bank (Engels). SANBI (2019). URL besoek op 13 Junie 2019.
  7. National Vegetation Map (Engels). SANBI (2019). URL besoek op 13 Junie 2019.

Eksterne skakels[wysig | wysig bron]