Barbara Creecy

in Wikipedia, die vrye ensiklopedie
Jump to navigation Jump to search
Barbara Creecy
Barbara Creecy
Barbara Creecy in 2014

Minister van die Omgewing, Bosbou en Visserye
Ampsbekleër
Termynaanvang
30 Mei 2019
President Cyril Ramaphosa
Voorafgegaan deur Nuwe posisie

Ampsbekleër
Termynaanvang
22 Mei 2019

Gautengse LUR vir Finansies
Ampstermyn
23 Mei 2014 – 25 Mei 2019
Voorafgegaan deur Mandla Nkomfe
Opgevolg deur Panyaza Lesufi

Gautengse LUR vir Onderwys
Ampstermyn
8 Mei 2009 – 23 Mei 2014
Voorafgegaan deur Angie Motshekga
Opgevolg deur Panyaza Lesufi

Gautengse LUR vir Sport, Ontspanning, Kuns en Kultuur
Ampstermyn
2004 – 8 Mei 2009
Voorafgegaan deur Nie bekend
Opgevolg deur Nelisiwe Mbatha-Mthimkhulu

Persoonlike besonderhede
Gebore 17 Junie 1958
Johannesburg, Suid-Afrika
Politieke party African National Congress
Kind(ers) 2
Alma mater Universiteit van die Witwatersrand
Universiteit van Londen

Barbara Creecy (gebore 17 Junie 1958) is 'n lid van die Nasionale Vergadering van Suid-Afrika vir die African National Congress. Sy is die dienende Minister van die Omgewing, Bosbou en Visserye. Creecy was voorheen 'n lid van die Gauteng provinsiale wetgewer en een van die wetgewer se langsdienende lede. In 2004 word sy benoem as die Gautengse LUR vir sport, ontspanning, kuns en kultuur. Sy dien tot 2009 toe sy as LUR vir onderwys aangestel is. Die nuutverkose premier David Makhura het Creecy in 2014 na die portefeulje van Gauteng se finansies verskuif.

Vroeë lewe[wysig | wysig bron]

Barbara Creecy is in Johannesburg gebore. Sy het aan die Universiteit van die Witwatersrand gestudeer en 'n honneursgraad in politieke wetenskap verwerf. Later aan het sy 'n meestersgraad in openbare beleid en bestuur aan die Universiteit van Londen voltooi.

Politieke loopbaan[wysig | wysig bron]

Creecy was 'n anti-apatheidsaktivis en het in die ondergrondse strukture van die African National Congress (ANC) gewerk terwyl sy 'n student aan die Universiteit van die Witwatersrand was. Sy het by die Civic Desk van die Verenigde Demokratiese Front gewerk en het kort daarna by 'n NRO aangesluit wat opleiding en organisatoriese ontwikkeling aan vakbonde en gemeenskapsstrukture verleen het. Sy was voorheen 'n lid van die ANC se provinsiale uitvoerende komitee.

Creecy was een van die langsdienende lede van die Gauteng provinsiale wetgewer, aangesien sy in 1994 verkies is. Gedurende haar eerste en tweede termyn het sy gedien as die adjunkhoofsweep sowel as die voorsitter van beide die komitees vir Maatskaplike Ontwikkeling en Onderwys.[1]

In 2004 word sy deur premier Mbhazima Shilowa aangestel as LUR vir sport, ontspanning, kuns en kultuur. Paul Mashatile het in 2008 premier van Gauteng geword en Creecy in haar pos behou.[2]

In Mei 2009 skuif Creecy na die onderwysportefeulje en dien tot in Mei 2014, toe premier David Makhura haar aangestel het as die nuwe LUR vir finansies in Gauteng.[3]

Ná die verkiesing in Mei 2019 word Creecy lid van die Nasionale Vergadering. Die media het bespiegel dat sy in die nasionale departement van finansies aangestel sou word as minister of adjunkminister. Op 29 Mei 2019 benoem president Cyril Ramaphosa haar as Minister van die Omgewing, Bosbou en Visserye.[4][5]

Verwysings[wysig | wysig bron]

  1. (in Engels) Ndaba, Baldwin. SACP lauds Gauteng's 'first African woman' finance MEC, IOL, 4 Junie 2019. Besoek op 30 Desember 2019.
  2. (en) Grobler, Fienie. Mashatile elected to lead Gauteng, Mail & Guardian, 7 Oktober 2008. Besoek op 30 Desember 2019.
  3. (in Engels) Gauteng's new MECs announced, SA News, 8 Mei 2009. Besoek op 30 Desember 2019.
  4. (in Engels) Haffajee, Ferial. ANALYSIS: Who could replace Nene? Get to know Barbara Creecy and Mondli Gungubele, Fin24, 8 Oktober 2018. Besoek op 30 Desember 2019.
  5. (in Engels) Ramaphosa announces cabinet: Mabuza, Gordhan, Mboweni – and De Lille, TimesLIVE, 29 Mei 2019. Besoek op 30 Desember 2019.

Eksterne skakels[wysig | wysig bron]