Svetlana Zakharova

in Wikipedia, die vrye ensiklopedie
Svetlana Zakharova
Svetlana Zakharova in 2015
Gebore
Svetlana Yuryevna Zakharova

10 Junie 1979 (1979-06-10) (44 jaar oud)
Loetsk, Oekraïense Sowjet-Sosialistiese Republiek, Sowjetunie
NasionaliteitOekraïens
BurgerskapRussies
Alma materKiëf-Staatsakool vir Choreografie, Waganowa-akademie
Beroepballerina
EggenootVadim Repin
KindersAnna Repina

Svetlana Yuryevna Zakharova (Russies: Светлана Юрьевна Захарова, Oekraïens: Світлана Юріївна Захарова; * 10 Junie 1979) is 'n Russiese prima ballerina wat vir die Bolsjoi-ballet dans.[1] Sy is in Oekraïne gebore en is 'n étoile van die La Scala-teaterballetgroep.[2]

Vroeë lewe[wysig | wysig bron]

Svetlana Zakharova is op 10 Junie 1979 in Loetsk in die destydse Sowjetunie gebore. Op die ouderdom van ses is sy deur haar ma geneem om volksdans by 'n plaaslike ateljee te leer, en teen die ouderdom van tien het sy oudisies afgelê en is sy as leerling deur die Kiëf Skool vir Choreografie aanvaar. Valeria Sulegina was een van haar onderwysers.[3]

In 1995, na ses jaar by die Kiëf-skool, het Zakharova vir die Jong Dansers-kompetisie (Vaganova-Prix) in Sint Petersburg ingeskryf. Sy was die jongste deelnemer en het die tweede prys gewen, en is genooi om haar opleiding voort te sit in die kursus van die Waganowa-akademie van Russiese Ballet in Sint Petersburg.[4] Dit was die eerste keer in die skool se geskiedenis dat 'n student toegelaat is om twee grade oor te slaan.[5]

Nadat sy dié prestigeryke Russiese balletskool vir 'n jaar bygewoon het, het sy in 1996 aangesluit by die Mariinsky-balletgeselskap.[6]

Mariinsky-ballet[wysig | wysig bron]

Zakharova het haar debuut met die Mariinsky-ballet in 1996 gemaak en het as Maria saam met Ruben Bobovnikov verskyn in Rostislav Zakharov se The Fountain of Bakhchisarai.

Zakharova is op 18-jarige ouderdom, na haar eerste jaar saam met die Mariinsky, bevorder na hoofdanser. Haar eerste hoofdansvennoot was Igor Zelensky.[7] Olga Moiseyeva was haar afrigter.[3]

Bolsjoi-ballet[wysig | wysig bron]

Teen 2003 was Zakharova begerig om die Mariinsky te verlaat, en het sy na die Bolsjoi-ballet oorgeskuif.[6] Haar vertrek van die Mariinsky-ballet was glo weens ongelukkigheid met dié balletgeselskap, sowel as 'n persoonlike aanbod wat sy ontvang het van die legendariese danser Vladimir Vasiliev.[8]

Zakharova word afgerig deur Lyudmila Semenyaka.[3]

Zakharova se pad na roem[wysig | wysig bron]

Vanaf 1999 het Zakharova gereeld as gas en solis by die Paryse Opera opgetree, waar sy saam met die Franse choreograaf Pierre Lacotte gewerk het. Lacotte word beskou as een van die voorste kenners van klassieke ballet[9] en het bygedra tot die loopbane van Evgenia Obraztsova en Hannah O'Neill. Svetlana Zakharova was die eerste Oekraïens-gebore Russiese hoofdanser wat in Parys opgetree het en het vanaf 2000 'n wêreldster[3] geword.

Suksesvolle opdragte het hierna gevolg, wat gewissel het van groot klassieke rolle soos Giselle, Odette-Odile in "Swanemeer", Aurora in "Doringrosie", en Nikiya in "La Bayadère," tot moderne werke soos Balanchine se "Serenade", "Simfonie in C". " en "Apollo", sowel as McMillan se "Manon" en Neumeier se "Now and Then"[7][10]

By die La Scala Teaterballetgroep in Italië het Zakharova saam met haar dansmaat Roberto Bolle in Swanemeer, Giselle, Doringrosie en La Bayadère gedans.

Ander noemenswaardige verskynings was Zakharova se verskyning as een van die dansers in die 2006-dokumentêre prent Ballerina. Sy het haar eie TV-program (Svetlana), 'n fees van kinderdans wat van 2015 tot 2018 aangebied is, op Russiese televisie aangebied, Vanaf Julie 2020 bied sy ook "Bolshoi Ballet", 'n balletkompetisie vir professionele balletdansers, aan. Sy het in haar eie solo-program, "Modanse" ('n meer moderne ballet) en "Coco", 'n eerbetoon aan Coco Chanel, verskyn, met kostuums van die gelyknamige ontwerpershuis.[11]

Pryse[wysig | wysig bron]

  • 1997 : Vaganova-Prix Jong dansers-kompetisie, Sint Petersburg (2de prys)
  • 1999 : Gouemasker vir Serenade
  • 2000 : Gouemasker vir Doringrosie
  • 2005 : Prix Benois de la Danse vir Hippolita (Titania) in A Midsummer Night's Dream[12]
  • 2006 : Staatsprys van die Russiese Federasie[13]
  • 2008 Volkskunstenaar van Rusland
  • 2008 Verkies as afvaardiger van die Russiese parlement (Duma)
  • 2015 : Prix Benois de la Danse vir Marguerite Gautier in "The Lady of the Camellias" deur John Neumeier, en Mekhmene-Banu in "Légende d'amour" deur Yury Grigorovich

Persoonlike lewe[wysig | wysig bron]

Zakharova is getroud met die Russiese violis Wadim Repin, en hulle het een kind, 'n dogter genaamd Anna (geb. 2011). Sy het haar onttrek aan die Bolshoi Ballet-toer na Londen in die somer van 2010 as gevolg van 'n heupbesering; sy was toe swanger. Zakharova het teruggekeer na dans en in Londen opgetree op 15 Mei 2011, in 'n gala-opvoering ter viering van die Sowjet-ballerina Galina Ulanova.

Die Italiaanse danser Roberto Bolle is een van haar gunsteling dansvennote.

Zakharova is 'n lid van die Verenigde Rusland Party, en is 'n ondersteuner van die Russiese president Wladimir Poetin en die Krim se toetrede tot die Russiese Federasie in 2014, wat haar verhouding met die Kiëfse Choreografiese Skool vertroebel het.[14]

Galery[wysig | wysig bron]

Verwysings[wysig | wysig bron]

  1. ↑ "Svetlana Zakharova". Bolshoi Theatre. Besoek op 29 Oktober 2015.
  2. ↑ "Etoiles Biographies". Teatro alla Scala. Besoek op 29 Oktober 2015.
  3. ↑ 3,0 3,1 3,2 3,3 A Young Ballerina Learns to Walk Through Open Doors, biografie van Svetlana Zakharova deur Gia Kourlas, The New York Times, 21 Julie 2005.
  4. ↑ /06/11/110609_zakharova.html Svetlana Zakharova – The embodiment of joy and beauty, artikel deur Elena Fyodorenko, 11 Junie 2009.
  5. ↑ Svetlana Zakharova, aankondiging, program La Bayadère, die Belgrad Musiekfees, 26 Oktober 2015.
  6. ↑ 6,0 6,1 Monahan, Mark (15 Julie 2006). "The Jewel in the Bolshoi's Crown". The Telegraph. Besoek op 23 Oktober 2015.
  7. ↑ 7,0 7,1 Svetlana Zakharova se blad by die Bolsjoi-teater
  8. ↑ Ng, Kevin. "Interview with Zakharova". ballet.co.uk. Geargiveer vanaf die oorspronklike op 15 September 2008.
  9. ↑ --au-palais-garnier.htm Danse : les nouveaux visages de « Paquita » au Palais Garnier[dooie skakel], artikel deur Philippe Noisette, Les Echos, 5 Mei 2015.
  10. ↑ .html The embodiment of joy and beauty, artikel deur Elena Fyodorenko, Russia Now, 11 Junie 2009.
  11. ↑ Parry, Jann (9 Desember 2019). "Svetlana Zakharova – Modanse: Gabrielle Chanel, Come un Respiro – London". DansTabs. Besoek op 16 Julie 2022.
  12. ↑ "Nominees: Female Dancers". Prix Benois de la Danse. 2005. Besoek op 23 Oktober 2015.
  13. ↑ "Presidential Decree of 05.06.2007 N 700". kremlin.ru. Geargiveer vanaf die oorspronklike op 28 Mei 2008.
  14. ↑ "Ukraine Ballet School Rejects Charity from Pro-Poetin Dancer". Agence France-Presse. 13 Desember 2014. Besoek op 23 Oktober 2015.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Svetlana_Zakharova&oldid=2620504"