Swaard

in Wikipedia, die vrye ensiklopedie
Jump to navigation Jump to search
Moderne gevegswaarde
'n Middeleeuse swaardgeveg

'n Swaard is 'n lang wapen van metaal met 'n lem en hef (handvatsel). Aan beide kante van die lem is 'n geslypte snykant. Die hef word met 'n kruis of mandjie van die lem geskei om die draer se hand te beskerm en die opponent se swaard vas te vang. Die wapen word tydens 'n geveg in die hand gehou terwyl daar na die vyand gekap of gesteek word. Dit word ook algemeen tydens seremoniële geleenthede gedra. As 'n swaard nie gebruik word nie, word dit gewoonlik in 'n skede gedra.

Grofsmede in Antieke Egipte het die eerste swaarde in ongeveer 1150 v.C. van brons vervaardig. Dit het egter vinnig na ander kulture versprei. Voor die uitvinding van gewere is swaarde algemeen as die wapen van voorkeur gebruik. Na die ontdekking van die geweer is swaarde as sekondêre wapens ingespan (vir man-tot-man-gevegte as die skietery staak en die gevegslyne begin kruis). Sedert die Amerikaanse Burgeroorlog is swaarde, behalwe as 'n seremoniële deel van uniforms, nie meer algemeen deur leërs gebruik nie. Sommige gewere het egter bajonette, wat dieselfde funksie verrig.

Swaarde word ook vir seker gevegsporte ingespan. Tydens die Olimpiese Spele word 'n ligte tipe swaard, onder andere, vir skermsport gebruik.

Spreekwoorde[wysig | wysig bron]

Swaarde word is verskeie spreekwoorde en gesegdes gebruik. Onder andere:

  • Daar hang 'n swaard oor sy kop (gevaar dreig)
  • Na die swaard gryp (die stryd aansê)
  • Die swaard in die skede steek (die stryd staak)
  • Die pen magtiger is as die swaard

Eksterne skakels[wysig | wysig bron]