Tafel

'n Tafel: 1) die blad en 2) 'n poot

'n Tafel met 'n ingegrafeerde skaakbord daarop.

'n Tafel is 'n meublement met 'n plat bokant wat deur een of meer bene gestut word. Tafels word gebruik om goed op te sit, meestal vir 'n kort tydperk, soos voedsel en eetgerei by 'n maaltyd, koppies vir drankies, 'n boek, kaarte, skryfpapier vir skryf, en ander goed vir stokperdjies.

Soms word goed op tafels geplaas vir 'n langer tydperk, soos televisies, rekenaars, of goed vir versiering. Daar word soms 'n tafeldoek bo-op die tafel geplaas. Daar bestaan ook tradisionele maniere hoe om tafeldoeke en eetgerei op die tafel vir maaltye te plaas.

Tafels kan groter gemaak word, soos byvoorbeeld wanneer 'n tafel se bokant uitgetrek kan word. Sommige tafels kan ook gevou word sodat dit beter vervoer kan word, byvoorbeeld wanneer mense gaan kamp. Daar is ook klein tafels in treine en vliegtuie wat oop kan vou.

Tafels in Japan, genaamd chabudai, is tradisioneel laag, somtyds rond, vir tee en voedsel.

Die naam van die internasionale organisasie Mensa is van die Latynse woord vir tafel afgelei.

Eksterne skakels

• Wikimedia Commons het meer media in die kategorie Tafel.