Drank

in Wikipedia, die vrye ensiklopedie
(Aangestuur vanaf Drankie)
Spring na: navigasie, soek
'n Koppie koffie

Drank, of 'n drankie, is 'n vloeistof wat deur mense genuttig word. Dit word deur die mond ingeneem (gedrink). Ondanks die feit dat alle drankies water bevat, word water self nie as drank geklassifiseer nie. Naas die fundamentele behoefte om vloeistowwe vir oorlewing in te neem, speel drank ook 'n groot rol in die kultuur van die menslike samelewing.

Tee is die wêreld se tweede gewildste drankie[1]

Drankies soos tee en koffie (espresso, cappuccino, ens.) word as warmdrankies beskou. Hierdie drankies word gewoonlik met warm water, warm melk of iets soortgelyks voorberei. Daarteenoor word vrugtesap en koeldrank gewoonlik koud bedien.

Gaskoeldranke soos Coca-Cola en Creme Soda bevat koolsuurgas. Die koolsuurgas kan as borreltjies in die drank waargeneem word en verskaf 'n sprankelende tekstuur.

'n Bottel Coca-Cola

Daar word ook tussen alkoholiese en nie-alkoholiese drankies onderskei. Alkoholiese drank bevat etanol, beter bekend as alkohol (hoewel die definisie van "alkohol" ook verskeie ander verbindings omvat). Bier word al ongeveer 8 000 jaar lank deur mense genuttig.[2] Wyn dateer terug na ongeveer 6 000 voor Christus en het waarskynlik sy oorsprong in die landgebiede wat binne die grense van Georgië en Iran val gehad.[3][4]

Nie-alkoholiese drankies verwys dikwels na drank, soos bier en wyn, wat normaalweg alkohol sou bevat, maar minder as 0,5 persent alkohol volgens volume het. Die kategorie sluit drankies in waarvan die alkohol verwyder is, soos nie-alkoholiese biere en wyne.

Verwysings[wysig | wysig bron]

Alkoholiese drankies
  1. Martin, Laura C. (2007). Tea: The Drink that Changed the World. Tuttle Publishing. p. 7–8. ISBN 0804837244. 
  2. Arnold, John P, Oorsprong en Geschiedenis van het bier en het brouwen: Van de prehistorie tot het begin van Brewing, BeerBooks.com, 2005
  3. "8,000-year-old wine unearthed in Georgia". The Independent. Verkry op 2003-12-28. 
  4. World's Earliest Wine. Archeology, vol. 49 (1996), Afgelaai 24 Februarie 2007.