Tafelberg Uitgewers

in Wikipedia, die vrye ensiklopedie
Jump to navigation Jump to search

Tafelberg Uitgewers is 'n boekuitgewersmaatskappy wat in 1951 in Kaapstad, Suid-Afrika gestig is en veral bekendstaan vir sy Afrikaanse literêre fiksie, alhoewel daar ook toenemend Engelse fiksietitels gepubliseer word.[1]

Ontstaan[wysig | wysig bron]

Tydens die Tweede Wêreldoorlog was daar 'n verbod op die stigting van nuwe uitgewerye. Toe dit opgehef is, het talle boekklubs ontstaan om na die groot aanvraag na ligte leesstof te voorsien. Die belangrikste van dié nuwe klubs was Goeie Hoop Uitgewers van Johannesburg. Blaar Coetzee was die stigter en voorsitter van die direksie van dié uitgewery. Op 29 Junie 1951 het Goeie Hoop Uitgewers 'n nuwe filiaal geregistreer: Tafelberg Uitgewers (Edms.) Bpk.

Die maatskappy het op 1 Augustus 1951 tot stand gekom met 'n kapitaaluitleg van £10 000.[2] Die eerste direkteure was Coetzee, S. van der Heever, S.R. Porter, H.F. Hope en E.E.C. le Feuvre. Coetzee het J.D. Pretorius, ten tyde rekenmeester van Coca-Cola in Johannesburg, as bestuurder aangestel. Tafelberg Uitgewers het net soos Goeie Hoop Uitgewers, begin met baie ligte leesstof.

Die boekklubs het boeke wat oorgebly het van vorige drukke gratis weggegee aan nuwe lede. Tafelberg Uitgewers het op die bankrotvendusie van die Unie-Volkspers 'n aantal van die ou boeke vir sowat £5 000 gekoop en gebruik vir sý aanbod van gratis boeke.

Die nuwe boekklub is onder meer in Die Huisgenoot se 1951-vakansie-uitgawe aangekondig. Teen 1958 het 182 titels reeds by Tafelberg verskyn. Naas die tydskrif "Fyn Goud" wat Goeie Hoop Uitgewers uitgegee het, het Tafelberg Uitgewers 'n kompeterende tydskrif genaamd "Die Beste" publiseer, geskoei op die lesers van Reader's Digest. Dit was egter 'n mislukking en is gestaak voor dit 'n groot verlies kon ly.

Onder leiding van J.D. Pretorius, was Tafelberg Uitgewers nietemin so suksesvol, dat die Nasionale Boekhandel, 'n filiaal van Nasionale Pers, dit in 1959 oorgeneem het bloot om Pretorius se dienste vir hul uitgewery te bekom. Die direksie van Nasionale Pers het Coetzee se verkoopsprys van £62 500 op 9 September 1959 aanvaar.[3]

Publikasies[wysig | wysig bron]

Van Tafelberg Uitgewers se vroeë bekende publikasies was, onder andere:

  • U dienswillige dienaarC.J. Langenhoven (1932)
  • Trouwe Afrikaners, Aspekte van Afrikanernasionalisme en Suid-Afrikaanse taalpolitiek 1875–1938.Jaap Steyn (1964)
  • Tuiste in eie taal; Die behoud en bestaan van Afrikaans.Jaap Steyn (1980)

  • Op Weg na 'n Nuwe Politieke Lewenshouding. - Johan Degenaar (1963)
  • Moraliteit en Politiek. - Johan Degenaar (1976)
  • Voortbestaan in Geregtigheid: Opstelle oor die politieke rol van die Afrikaner. - Johan Degenaar (1980)

  • Braam en die engelMarietjie de Jongh (1991)
  • Tandkitaar – Marietjie de Jongh (1981)
  • Moeilikheid met Jan en Die man met die gaatjie in sy trui. – Marietjie de Jongh (1991)
  • Goeie maniere en ander plesiere. – Marietjie de Jongh (1987)


  • Kort lewe van 'n reisigerDolf van Niekerk (1979)
  • Koms van die hyreën – Dolf van Niekerk (1994)
  • Koors – Dolf van Niekerk (1997)
  • Brandoffer: vertellings uit die Tweede Vryheidsoorlog. – Dolf van Niekerk (1998)
  • Karel Kousop – Dolf van Niekerk (1985)
  • Die haasvanger – Dolf van Niekerk (1985)

  • Fritz Deelman en die WoestynrowersLeon Rousseau (1960)
  • Fritz Deelman en die Ondersese Myn – Leon Rousseau (1963)

  • Dulle Griet - Riana Scheepers (Kortverhale, 1991)
  • 'n Huis met drie en 'n halwe stories. (Kortverhale, 1994)
  • Die heidendogters jubel. (Roman, 1995)
  • Koos Prinsloo: Die skrywer en sy geskryfdes. (Publikasie van Ph.D.-verhandeling, 1998)
  • Blinde sambok. (Jeugroman, 2001)
  • Die avonture van Wilde Willemientjie. (Kinderboek, 2006)
  • Wilde Willemientjie woel alweer. (Kinderboek, 2009)

  • Suid-Afrikaanse Biografiese Woordeboek. Flemming, H (1976)
  • Streekname in Suid-Afrika en Suidwes. Naamkundereeks – Raper, P.E. (1972)
  • Nuwe Geskiedenis van Suid-Afrika. Gilliomee en Mbenga (2007)
  • Gebed van 'n Groen Perske en Ander Verse.Annesu de Vos.
  • MoerbeibosDalene Matthee (1987)
  • Klaasneus-hulleAnna Rothmann (1964)
  • Kraai-hulle – Anna Rothmann (1965).
  • Die Koningskind van die Hantam - Rona Rupert (1967)
  • Annerkant-die-bergDine van Zyl (1998)
  • Slagoffers – Dine van Zyl (2001)

Verwysings[wysig | wysig bron]

  1. "www.tafelberg.com: Wie is Tafelberg. Besoek op 17 April 2016". Geargiveer vanaf die oorspronklike op 8 April 2016. Besoek op 17 April 2016.
  2. https://www.in2013dollars.com/uk/inflation/1751?amount=10000
  3. (af) Beukes, W.D. (red.) 1992. Boekewêreld: Die Nasionale Pers in die uitgewersbedryf tot 1990. Kaapstad: Nasionale Boekhandel.

Eksterne skakels[wysig | wysig bron]