Tamatiesous

in Wikipedia, die vrye ensiklopedie
Spring na: navigasie, soek
Tamatiesous in 'n restaurant voorgesit.

Tamatiesous (of ketchup) is 'n tafelsous. Tradisioneel het daar verskillende ketchup-resepte bestaan vir souse gemaak van sampioene, oesters, mossels of okkerneute [1] [2] maar in moderne tye beteken die term ketchup sonder uitsondering tamatiesous.

Dit is 'n soet-suur sous, tipies gemaak van tamaties, asyn, 'n versoeter, en verskillende geurmiddels en speserye. Die soetheid is in die meeste gevalle suiker, of, meer spesifiek in die Verenigde State van Amerika, hoë fruktose mieliestroop. Geurmiddels kan wissel volgens die resep, maar gewoonlik sluit dit uie, wonderpeper, naeltjies, kaneel, knoffel, en soms seldery in.[3]

'n Sakkie tamatiesous wat oopgemaak is.

Tamatiesous word as 'n kondiment genuttig by verskeie geregte wat warm bedien word, insluitende slaptjips, hamburgers, toebroodjies, worsbroodjies, omgeroerde eiers en selfs braaivleis. Ketchup word soms ook gebruik as 'n basis of bestanddeel vir ander souse.

Verwysings[wysig | wysig bron]

Commons-logo.svg
Wikimedia Commons het media verwant aan:
  1. Smith, Andrew F. (1996). Pure Ketchup: A History of America's National Condiment, with Recipes. Univ of South Carolina Press. p. 17. ISBN 978-1-57003-139-7. Besoek op 1 Oktober 2013. 
  2. Ketchup: A Saucy History”. history.com. 2012-07-20. URL besoek op 15 Maart 2013.
  3. (en) How ketchup is made”. madehow.com. URL besoek op 27 Mei 2010.
Hierdie artikel is in sy geheel of gedeeltelik vanuit die Engelse Wikipedia vertaal.