The Apostolic Church of Queensland

in Wikipedia, die vrye ensiklopedie
Jump to navigation Jump to search

The Apostolic Church of Queensland is 'n Australiese kerk wat ontstaan het uit die hervormingsbeweging van die Katoliek Apostoliese Kerk van die 19de eeu. Dit is in 1883 in Queensland, Australië deur H.F. Niemeyer gestig en die huidige naam is in 1911 aangeneem.

Hierdie kerk is 'n lidkerk van die Verenigde Apostoliese Kerk wat in 1956 in Düsseldorf, Duitsland tot stand gekom het.

Geskiedenis[wysig | wysig bron]

In 1883 word H.F. Niemeyer as Evangelis na Australië gestuur deur Apostel Friedrich Krebs. Hy begin 'n klein gemeente onder Duitse immigrante in Hatton Vale. In 1886 word hy tot Apostel verordineer tydens 'n besoek aan Duitsland. Nadat Hermann Niehaus die leierskap as Hoofapostel oorgeneem het, na die afsterwe van Krebs, kom Niemeyer in stryd met Niehaus en verbreek kontak met die kerk in Duitsland. In 1911 verklaar hy onafhanklikheid.

Tydens die Eerste Wêreldoorlog word Apostel Niemeyer geïnterneer. Sy gesondheid gaan agteruit en hy sterf in 1920. Sy seun Willie Niemeyer, wat reeds in 1912 as Apostel verordineer is, neem die leierskap van die kerk oor. Vanaf 1918 word alle dienste van die kerk in Engels gehou. In daardie tyd word die amp van Profeet ook afgeskaf.

Willie Niemeyer is opgevolg deur Emil Zielke wat in 1961 twee Apostels verordineer het. Hierdie Apostels is Arnold Edward Zielke (1905–1988) en Arnan Niemeyer (1908–1995). Die kerk is in twee distrikte verdeel, die Noordelike en Suidelike Distrikte. In 1977 volg Meryn Zischke (1927–1988) Arnan Niemeyer as Apostel op. Albei Apostels sterf skielik in 1988 en die Europese Apostels van die Federasie het nuwe opvolgers aangewys. Op 23 September 1990 word Oudste Kenneth Dargusch van Suid-Queensland en Priester Clifford Flor van Noord-Queenslland in die Hatton Vale Sentrale gemeente in die teenwoordigheid van 2000 lidmate verordineer.

Die Suidelike Distrik bestaan uit 11 gemeentes wat deur Apostel Kenneth L. Dargusch vanaf Haton Vale geadministreer word. Die Noordelike Distrik bestaan uit 16 gemeentes en word gelei deur Apostel Clifford Flor van Bundaberg.

In 1990 is 'n sendingstasie in die Filippyne onder die naam United Apostolic Church of the Philippines begin met 19 gemeentes in drie distrikte.

Ekumeniese betrekkinge[wysig | wysig bron]

The Apostolic Church of Queensland het in die laaste jare ekumeniese bande begin soek met ander kerke. In 1956 het hierdie ekumeniese bande gelei tot die formasie van 'n internasionale organisasie van kerke wat afgestig het van die Nuwe Apostoliese Kerk. Hierdie liggaam staan bekend as die Verenigde Apostoliese Kerk.

In die laaste per jaar was gesprekke met die Nuwe Apostoliese Kerk aangeknoop maar sedert 4 Desember 2007 is hierdie gesprekke effektief opgeskort na opmerkings wat Distriksapostel Drave van die Nuwe Apostoliese Kerk gemaak het ten opsigte van voormalige Assistent Hoofapostel Peter Kuhlen [1]

Leringe[wysig | wysig bron]

In 1970 is die leringe van die kerk deur die Apostels hervorm. In 1984 is 'n kort kategisme uitgegee getiteld "Book of Faith". Hierdie kategisme is sedertdien hersien. In 1990 het die Europese vennote van die kerk begin om vroue te verordineer. Die Australiese kerk, en die Suid-Afrikaanse Apostoliese Kerk – Aposteleenheid het nie gevolg nie. Daar is ook verskille in leringe en liturgie met die Europese vennote.

In die Suidelike halfrond word daar meer klem geplaas op die lering van die bediening van die Apostel en belangrikheid van die Apostel vir saligheid. Die lering van die Priesterskap van alle gelowiges word verwaarloos.

Eksterne skakels[wysig | wysig bron]