The Walt Disney Company

in Wikipedia, die vrye ensiklopedie
Jump to navigation Jump to search
The Walt Disney Company Logo.svg
Ingang na die Walt Disney Studios.

The Walt Disney Company, algemeen bekend as Disney, (/ˈdɪzni/),[1] is 'n Amerikaanse gediversifiseerde multinasionale massamedia- en vermaaklikheidskonglomeraat met sy hoofkwartier in die Walt Disney Studios-kompleks in Burbank, Kalifornië.

Geskiedenis[wysig | wysig bron]

Disney is oorspronklik op 16 Oktober 1923 gestig deur Walt Disney en sy broer Roy O. Disney as die Disney Brothers Cartoon Studio. Dit het ook onder die name gefunksioneer, The Walt Disney Studio en Walt Disney Productions voordat hy sy naam amptelik verander het na The Walt Disney Company in 1986. Die maatskappy het hom gevestig as 'n leier in die Amerikaanse animasiebedryf voordat hy gediversifiseer het in lewendige filmproduksie, televisie en temaparke.

Unieke animasiekarakters[wysig | wysig bron]

Van Disney se bekendste karakters sluit in: Mickey Mouse, Donald Duck, Winnie the Pooh, Snow White (1937), Bambi (1942), Cinderella, The Little Mermaid (1989), The Lion King (1994), Toy Story (1995), Cars (2006), en ander Disney en Pixar karakters. Mickey Mouse is die amptelike gelukbringer van Disney sedert 1928.

Walt Disney, Ub Iwerks en A. A. Milne het Disney se talle karakters geskep, insluitend Mickey Mouse en Winnie the Pooh in hul debuutverskynings in 1928 en 1966. Charles Perrault en die Broers Grimm skep die twee gewildste vroulike karakters Cinderella en Snow White in hul die debuutverskynings in 1937. Disney het vele "prinsesse" geskep met hul karakters soos Aurora, Ariel, Belle, Jasmine, Pocahontas, Mulan, Tiana, Rapunzel en Merida.

Verdere uitbreidings[wysig | wysig bron]

Sedert die tagtigerjare het Disney korporatiewe afdelings geskep en verkry om meer volwasse inhoud te bemark as wat tipies geassosieer word met sy vlagskip-familiegerigte handelsmerke. Die maatskappy is bekend vir sy filmateljeeafdeling, The Walt Disney Studios, wat Walt Disney Pictures, Walt Disney Animation Studios, Pixar, Marvel Studios, Lucasfilm, 20th Century Studios, Searchlight Pictures en Blue Sky Studios insluit. Disney verkry Pixar (vir $ 7,4 miljard) in 2006, Marvel (vir $ 4 miljard) in 2009 en Lucasfilm (vir $ 4,06 mijard).

Disney se ander hoofeenhede en verslagdoeningsegmente is Disney Media Networks, Disney Parks, Experiences and Products, en Walt Disney Direct-to-Consumer & International. Deur hierdie segmente besit en bedryf Disney die ABC-uitsaaienetwerk; kabeltelevisienetwerke soos Disney Channel, ESPN, Freeform, FX, en National Geographic; 'n publiseerafdeling, handelsware, musiek en teater; en Disney Parks, Experiences and Products, 'n groep van 14 temaparke regoor die wêreld.[2][3]

Verwysings[wysig | wysig bron]

  1. "Disney, Walt | Definition of Disney, Walt by Lexico". Lexico Dictionaries | English (in Engels). Geargiveer vanaf die oorspronklike op 24 Oktober 2019. Besoek op 24 Oktober 2019.
  2. "Parks & Destinations | Walt Disney World Resort". disneyworld.disney.go.com (in Engels). Geargiveer vanaf die oorspronklike op 2 Februarie 2017. Besoek op 20 Junie 2020.
  3. Sylt, Christian. "The Secrets Behind Disney's $2.2 Billion Theme Park Profits". Forbes (in Engels). Geargiveer vanaf die oorspronklike op 15 Februarie 2017. Besoek op 20 Junie 2020.

Eksterne skakels[wysig | wysig bron]